Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
1 Февраль , 10:41

Радий Хәбиров Шайморатов батальоны яугиренең ғаиләһе менән осрашты

Олег Яровиков
Фото:Олег Яровиков

31 ғинуарҙа Башҡортостан Башлығы Радий Хәбиров Учалы районына эш сәфәре барышында Миңлеғәле Шайморатов исемендәге ирекле батальон яугире –  «Портной» позывнойлы яҡташыбыҙҙың ғаиләһе менән осрашты.

Хәтерегеҙгә төшөрәбеҙ, республика етәксеһе Донбасҡа эш сәфәре менән барғанда Башҡортостандан махсус хәрби операцияла ҡатнашыусылар менән осрашҡайны. Яугирҙәр менән аралашҡанда Радий Хәбиров форсат сыҡҡанда уларҙың туғандарын һәм яҡындарын барып күрәсәген белдергәйне.

Хәрбиҙең әсәһе, туғандары менән осрашҡанда Башҡортостан Башлығы Радий Хәбиров уларға сәләм әйтте.

– Былтыр йәй беҙ батальон урынлашҡан ергә барҙыҡ. Мин бер егеткә Шайморатов миҙалын тапшырҙым һәм «Ата-әсәйең бармы? Улар янына  барыуымды теләйһеңме?» тип һораным. Бөгөн мин бында. Һеҙгә алғы һыҙыҡтан күп сәләм еткерәм, – тине Радий Хәбиров. – Һеҙҙең борсолоуығыҙҙы яҡшы аңлайым. Үҙем дә егеттәр өсөн бик ҡайғырам.

Башҡортостан Башлығы хәрбиҙең ғаилә ағзаларынан хәл ителмәгән мәсьәләләре тураһында һорашты һәм республикабыҙҙың махсус хәрби операцияла ҡатнашыусыларҙың ата-әсәләренә, яҡындарына тейешле ярҙамды күрһәтергә әҙер булыуын билдәләне.

https://www.bashinform.ru/news/politics/2024-01-31/radiy-habirov-vstretilsya-s-semiey-boytsa-batalona-shaymuratova-3624956

Читайте нас: