Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
23 Ғинуар , 16:17

Башҡортостан халҡы республика Башлығын яҡлап концерт ойошторорға теләй

Валерий Шахов
Фото:Валерий Шахов

Йома, 26 ғинуарҙа, Өфөнөң Телеүҙәк алдындағы майҙанында Башҡортостан Республикаһы Башлығы Радий Хәбировты хуплап концерт ойошторола. Билдәле йәмәғәтселәр, мәҙәниәт эшмәкәрҙәре шундай тәҡдим менән сыҡты. Концерттың төп идеяһы — республиканың берҙәмлеге, Башҡортостандың күп милләтле халҡы өсөн сығыш яһаған Башҡортостан Башлығын яҡлау.

- Берҙәмлегебеҙҙе күрһәтергә тейешбеҙ. Бөгөн Башҡортостан Республикаһының күп милләтле халҡы республика Башлығын һәм ул алып барған сәйәсәтте хуплауын белдерергә теләй. Был фекерҙәрҙе һәм мөрәжәғәттәрҙе ҡабул итеү майҙансығына әүереләсәк, – тип билдәләне Башҡортостан Республикаһы – Дәүләт Йыйылышы депутаты Салауат Хөсәйенов.

- Башҡортостан халҡы һәр ваҡыт дуҫлыҡ һәм татыулыҡ яҡлы булды. Был – күп милләтле республикабыҙҙың төп ҡиммәттәре. Республика Башлығын хуплау йәһәтенән концерт Башҡортостан халҡының берҙәмлеккә һәм татыулыҡҡа ынтылыуын тағы бер тапҡыр раҫлай, - тип билдәләне «Рәсәй халыҡтары ассамблеяһы» ойошмаһының республика бүлексәһе рәйесе, Башҡортостан Республикаһы Дәүләт Йыйылышы – Ҡоролтай депутаты Гөлнур Ҡолһарина.

— Яңғыҙыңа тотош республиканы күтәреүе бик ауыр. Яңыраҡ булып үткән хәл-ваҡиғаларҙан һуң етәксебеҙҙе — Башҡортостан Республикаһы Башлығын хуплау фарыз тигән ҡарарға килдек, шуға күрә концерт ойошторорға булдыҡ, — тип һөйләне Башҡортостан Дәүләт Йыйылышы — Ҡоролтай депутаты Артур Ғәлиев «Башинформ» агентлығына.

Концерт көндөҙгө сәғәт 1-ҙә башлана. Концерт программаһында ҡатнашыусылар тураһында һуңғараҡ билдәле була, тип белдерҙе ойоштороусылар.

https://www.bashinform.ru/news/politics/2024-01-23/zhiteli-bashkortostana-hotyat-organizovat-kontsert-v-podderzhku-glavy-respubliki-3613803

Автор:Ләйлә Аралбаева
Читайте нас: