Башҡортостанда Фаил Алсыновҡа* хөкөм ҡарары сығарылды

Суд экстремист Фаил Алсыновты* Рәсәй Федерацияһы Енәйәт кодексының 282-се статьяһының 1-се өлөшө («Нәфрәт йәки дошманлыҡ тыуҙырыу, шулай уҡ кешелек дәрәжәһен төшөрөү») буйынса ғәйепле тип таныны һәм дүрт йылға дөйөм режимлы колонияға оҙатты.

Хәбәр иткәнебеҙсә, Росфинмониторинг Алсыновты* террорсылар һәм экстремистар исемлегенә индерҙе. «Башҡорт»то** экстремистик ойошма тип танығандан һуң ул енәйәти, деструктив эшмәкәрлеген туҡтатмаған, милләт-ара ыҙғыш тыуҙырған, Украинаның ҡораллы көстәренә ярҙам иткән, сит илдә йәшәгән экстремистар менән бергә илдең бөтөнлөгөн ҡаҡшатыуға йүнәлтелгән эш алып барған.

2019 йылдан Башҡортостанда йәшерен экстремистик йүнәлештәргә ҡаршы көрәш бара. Республика етәксеһе башланғысы менән Башҡортостандың Юғары суды 2020 йылда милли ыҙғышҡа әйҙәгән саралар ойошторған өсөн «Башҡорт»то** экстремистик ойошма тип таныны һәм уның эшмәкәрлеген тыйҙы. Был ойошманы биш йыл буйына тап Алсынов* етәкләне.

* - Росфинмониторингтың террорсылар һәм экстремистар исемлегенә индерелде.

** - 2020 йылдың 20 майында Башҡортостандың Юғары суды ҡарары менән «Башҡорт» экстремистик ойошма тип танылды һәм Рәсәйҙә уның эшмәкәрлеге тыйылды.

https://www.bashinform.ru/news/politics/2024-01-17/fail-alchinov-priznan-vinovnym-v-razzhiganii-mezhnatsionalnoy-rozni-3606121