Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
29 Ноябрь 2023, 14:28

3 декабрҙә Мәскәүҙә Башҡортостан көнө үткәрелә

3 декабрҙә Мәскәүҙә «Рәсәй» халыҡ-ара күргәҙмә-форумында Башҡортостан Республикаһы көнө ойошторола.

«Был республикабыҙҙы танытыу, пландарыбыҙ менән уртаҡлашыу өсөн үҙенсәлекле мөмкинлек. Быларҙың барыһы ла республикабыҙҙы үҫтереүгә булышлыҡ итергә тейеш», - тип белдергәйне Башҡортостан Башлығы Радий Хәбиров хөкүмәттең оператив кәңәшмәһендә.

Радий Хәбиров ҡатнашлығында Республика көнөн асыу тантанаһын көндөң беренсе яртыһында уҙғарыу планлаштырыла.

Республиканың тематик көнөндә киң мәҙәни программа ла тәҡдим ителә. Мәҫәлән, был көндө ВДНХ ҡунаҡтарын «Терра ҡыш» фестивале, «Башҡортостанда оҙон ғүмерлелек» проекты менән таныштырыу, башҡорт биҙәүестәрен эшләү буйынса оҫталыҡ дәрестәре, шулай уҡ башҡорт деликатестары көтә. Бынан тыш, Башҡортостан көнө сиктәрендә республиканың күләмле мәҙәни ваҡиғалары менән таныштырыу, ҡурай эшләү һәм унда уйнау, халыҡ бейеүе, башҡорт аш-һыуын әҙерләү буйынса оҫталыҡ дәрестәре, башҡорт милли кейемен күрһәтеү һәм ҙур концерт программаһы ҡаралған.

6+

https://www.bashinform.ru/news/politics/2023-11-29/3-dekabrya-v-moskve-sostoitsya-den-bashkortostana-3543469

Автор:Галина Бахшиева
Читайте нас: