Башҡортостан парламентында КПРФ фракцияһы етәксеһе Юнир Ҡотлоғужин вазифаһын ҡалдырҙы

Башҡортостан Дәүләт Йыйылышында КПРФ фракцияһы етәксеһе Юнир Ҡотлоғужин вазифаһын ҡалдырҙы. КПРФ-тың республика комитеты хәбәр итеүенсә, чиновник үҙ теләгенә һәм КПРФ-тың Үҙәк Комитеты рәйесенең беренсе урынбаҫары Юрий Афониндың яҙма тәҡдименә ярашлы вазифаһынан бушатылды.

«Мин Үҙәк Комитеттың тәҡдимен хупларға булдым һәм фракциялағы коллегаларымды ла шулай эшләргә саҡырҙым. Башҡортостан Дәүләт Йыйылышы — Ҡоролтайға тәҡдим иткән һуңғы проектыбыҙ тирәләй хәлде тәрәнгә ебәрмәҫ өсөн фракция етәксеһе вазифаһын ҡалдырырға һәм иғтибарымды КПРФ-тың республика комитетында эшкә тупларға  хәл иттем», — тине Юнир Ҡотлоғужин.

Коммунистар фракцияһы етәксеһе вазифаһын Ҡотлоғужин урынына Башҡортостан Дәүләт Йыйылышы вице-спикеры Вадим Старов биләй.

Хәтерегеҙгә төшөрәбеҙ, Юнир Ҡотлоғужин танылған бейеүсе Рудольф Нуриевты тәнҡитләп сыҡҡайны. Ул артисты «Тыуған илгә хыянат итеүсе» тип атаны һәм әхләҡи ҡиммәттәрҙе һаҡларға саҡырҙы. Был һүҙҙәр республиканың ижтимағи-сәйәси һәм мәҙәни өлкәләрендә шау-шыу тыуҙырҙы. 

https://www.bashinform.ru/news/politics/2023-10-30/rukovoditel-fraktsii-kprf-v-parlamente-bashkirii-yunir-kutluguzhin-pokinul-post-3498593