Республикала Рәсәй Конституцияһының һәм Башҡортостандың Төп законының 30 йыллығына арналған саралар ойошторола

Радий Хәбиров үҙенең бойороғо менән Рәсәй Конституцияһы һәм Башҡортостандың Төп законы ҡабул ителеүгә 30 йыл тулыуға арналған саралар үткәрергә ҡушты. Ойоштороу комитетын Башҡортостан Башлығы етәкләй.

Хәтерегеҙгә төшөрәбеҙ, Рәсәй Конституцияһы 1993 йылдың 12 декабрендә ҡабул ителде. 2020 йылдың 1 июлендә халыҡ тауыш биреүендә уға үҙгәрештәр индерелде. Ошо уҡ йылдың 15 ғинуарында Рәсәй президенты Федераль йыйылышҡа мөрәжәғәтнамәһендә Конституцияға илдең дәүләт ҡоролошондағы сәйәси үҙгәрештәргә, шулай уҡ өҫтәмә социаль гарантияларға ҡағылышлы үҙгәрештәр индерергә тәҡдим итте. Хоҙай, ғаилә, тарихи хәтер кеүек төшөнсәләр айырым билдәләнә. Рәсәйҙең Конституция суды бындай үҙгәрештәрҙең законлылығын раҫланы.

Башҡортостан Конституцияһы 1993 йылдың 24 декабрендә ҡабул ителде.

https://www.bashinform.ru/news/politics/2023-10-26/v-bashkirii-provedut-meropriyatiya-posvyaschennye-30-letiyu-konstitutsii-rossii-i-osnovnogo-zakona-rb-3494002