Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
5 Октябрь 2023, 11:08

Радий Хәбиров Башҡортостан 3.0 төҙөлөшөнә күсә башлау тураһында иғлан итте

Олег Яровиков
Фото:Олег Яровиков

Булдырылған базаға, һуңғы йылдарҙа өлгәшелгән мөһим ҡаҙаныштарға таянып, беҙ Башҡортостан 3.0 төҙөлөшенә күсәбеҙ. Был хаҡта бөгөн етенсе саҡырылыш Башҡортостан Дәүләт Йыйылышының беренсе пленар ултырышында республика етәксеһе Радий Хәбиров белдерҙе.

«Икенсе һүҙҙәр менән әйткәндә, беҙҙең идара итеү командаһы бөгөн 2030 йылға тиклемге осорға республиканың үҫеш йүнәлештәрен планлаштыра. Етенсе саҡырылыш «биш йыллығы» 2028 йылда тамамлана, тимәк, беҙгә Башҡортостан киләсәген күҙ алдына килтерергә, ә һуңынан ышаныслы рәүештә маҡсаттарға табан барырға кәрәк.

Дәүләт Йыйылышына эш төркөмө булдырырға тәҡдим итәм. Стратегик пландар өҫтөндә эшләгәндә тәҡдимдәрегеҙҙе мотлаҡ иҫәпкә алырбыҙ. Күптәр үҙ биләмәләрендә оҙаҡ эшләй, урындағы әүҙем ағзалар, төркөмдәр һәм берләшмәләр менән тығыҙ аралаша. Халыҡ һеҙҙе белә, хөрмәт итә, фекерегеҙгә ҡолаҡ һала. Ошо эште артабан дауам итеүегеҙҙе һорайым. Һеҙҙең тәжрибәгеҙ, белемегеҙ биләмәләрҙең, республиканың киләсәген планлаштырғанда бик мөһим», - тине Радий Хәбиров, Дәүләт Йыйылышы депутаттарына мөрәжәғәт итеп.

https://www.bashinform.ru/news/politics/2023-10-05/radiy-habirov-ob-yavil-o-nachale-perehoda-k-stroitelstvu-bashkirii-3-0-3466161

Автор:Азат Ғиззәтуллин
Читайте нас: