Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
5 Октябрь 2023, 11:53

Башҡортостан Дәүләт Йыйылышы рәйесе итеп йәнә Константин Толкачев һайланды

Олег Яровиков
Фото:Олег Яровиков

Бөгөн, 5 октябрҙә, етенсе саҡырылыш Башҡортостан Дәүләт Йыйылышы - Ҡоролтайҙың беренсе пленар ултырышында парламент спикеры итеп йәнә Константин Толкачев һайланды. Хәтерегеҙгә төшөрәбеҙ, ул тәүге тапҡыр республиканың закондар сығарыу органы етәксеһе булып 1999 йылда тәғәйенләнде, был вазифаны ул алтынсы тапҡыр рәттән биләй.

Константин Толкачевтың кандидатураһын Башҡортостан Дәүләт Йыйылышының беренсе ултырышын әҙерләү һәм үткәреү буйынса ойоштороу комитеты тәҡдим итте. Әлеге башланғыс менән «Берҙәм Рәсәй» партияһы фракцияһы сығыш яһаны. Депутаттар бер тауыштан Константин Толкачев өсөн тауыш бирҙе.

Дәүләт Йыйылышы рәйесе коллегаларына күрһәткән ышаныстары өсөн рәхмәт әйтеп, Юғары закондар сығарыу һәм вәкәләтле орган рәйесенә парламент эшен ойоштороу һәм төрлө кимәлдәге дәүләт власы органдары, йәмәғәт ойошмалары менән һөҙөмтәле эш алып барыу өсөн ҙур яуаплылыҡ һалынғанын билдәләне.

– Үҙемә йөкмәтелгән вәкәләттәрҙе тормошҡа ашырыу өсөн һөнәри тәжрибәмде һәм белемемде ҡулланырға һүҙ бирәм, – тине Константин Толкачев. – Уҙған саҡырылыш Дәүләт Йыйылышы  – Ҡоролтай депутаттарына һөҙөмтәле эшмәкәрлек өсөн ихлас рәхмәтемде белдерәм. Депутаттар корпусының яңы составы башланғыстарҙы дауам итер, Башҡортостандың иҡтисади һәм интеллектуаль ҡеүәте артабан да республика халҡы мәнфәғәтендә үҫешһен өсөн барыһын да эшләр тип ышанам.

Константин Толкачев Александр Невский, Почет, Дуҫлыҡ, «Башҡортостан Республикаһы алдындағы ҡаҙаныштары өсөн», Салауат Юлаев ордендары, миҙалдар, Рәсәй Федерацияһы Президентының, Дәүләт Думаһының, Федерация Советының Почет грамоталары, күкрәккә таға торған билдәләр, исемле ҡорал менән бүләкләнгән. Рәсәйҙең һәм Башҡортостандың атҡаҙанған юрисы, Рәсәй Эске эштәр министрлығының почетлы хеҙмәткәре.

250-нән ашыу фәнни хеҙмәт авторы.

https://www.bashinform.ru/news/politics/2023-10-05/predsedatelem-gossobraniya-bashkirii-vnov-izbran-konstantin-tolkachev-3465855

Автор:Азат Ғиззәтуллин
Читайте нас: