Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
2 Октябрь 2023, 15:06

Республика көнөндә Башҡортостанға Абхазия президенты килә

Башҡортостан хөкүмәтенең оператив кәңәшмәһе трансляцияһынан скриншот
Фото:Башҡортостан хөкүмәтенең оператив кәңәшмәһе трансляцияһынан скриншот

Республика көнөндә Башҡортостанға Абхазия президенты Аслан Бжания килә. Был хаҡта хөкүмәттең Республикаға идара итеү үҙәгендә уҙған оператив кәңәшмәһендә республика премьер-министры Андрей Назаров хәбәр итте. Уның һүҙҙәренсә, 30 сентябрҙә Радий Хәбиров менән улар Абхазияның Еңеү һәм Бойондороҡһоҙлоҡ көнөнә арналған тантаналы сараларҙа ҡатнашты. Хәҙер Абхазия яуап сәфәре менән республикабыҙға килә.

«Хәҙер сауҙа-иҡтисади мөнәсәбәттәр юғары темптар менән үҫешһен өсөн Абхазияла Башҡортостандың Сауҙа йортон асабыҙ. Быйыл беҙ Республика көнөнә Абхазия президенты делегацияһын көтәбеҙ», - тип билдәләне Назаров.

Шулай уҡ премьер-министр Башҡортостан етәксеһе Радий Хәбировтың Өфөлә колоннада төҙөү өсөн таш һалыу тураһында ҡарар ҡабул итеүе хаҡында хәбәр итте. Ул башҡорт һәм абхаз халыҡтарының дуҫлығын символлаштырырырға тейеш. Объектты 2024 йылда, ике республиканың хеҙмәттәшлек итеүенә 30 йыл тулыу уңайынан асырға әҙерләнәләр.

https://www.bashinform.ru/news/politics/2023-10-02/v-den-respubliki-bashkiriyu-posetit-prezident-abhazii-3461991

Автор:Ләйсән Закирова
Читайте нас: