Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Сәйәсәт
29 Сентябрь 2023, 15:23

Башҡортостан Дәүләт Йыйылышының яңы саҡырылышында комитеттар һаны арта

Башҡортостан Республикаһы Дәүләт Йыйылышы — Ҡоролтай йортонда беренсе пленар ултырышты үткәреү буйынса ойоштороу комитетының ултырышы уҙҙы. Ултырышты ойоштороу комитеты рәйесе итеп һайланған Константин Толкачев үткәрҙе.

Ведомствоның матбуғат хеҙмәтенән хәбәр итеүҙәренсә, ойоштороу комитеты ағзалары даими комитеттарҙың һаны һәм атамаһы тураһында мәсьәләне ҡараны. Дәүләт Йыйылышында туғыҙ даими комитет булдырырға тәҡдим ителде:

Дәүләт төҙөлөшө һәм урындағы үҙидара буйынса комитет;

Йәмәғәт именлеге, хоҡуҡ тәртибе һәм суд мәсьәләләре буйынса комитет;

Гражданлыҡ йәмғиәте институттарын үҫтереү, мәғлүмәт сәйәсәте һәм дин эштәре буйынса комитет;

Бюджет, һалым, инвестиция сәйәсәте һәм мөлкәт мөнәсәбәттәре буйынса комитет;

Сәнәғәт, инновацион үҫеш, сауҙа, эшҡыуарлыҡ һәм туризм буйынса комитет;

Торлаҡ сәйәсәте һәм инфраструктура үҫеше буйынса комитет;

Аграр мәсьәләләр, экология һәм тәбиғәттән файҙаланыу буйынса комитет;

Фән, мәғариф, мәҙәниәт, йәштәр сәйәсәте һәм спорт буйынса комитет;

Һаулыҡ һаҡлау, социаль сәйәсәт һәм ветерандар эштәре буйынса комитет.

Ойоштороу комитеты шулай уҡ Дәүләт Йыйылышының етәксе вазифалары структураһы, даими комитеттарҙың һаны һәм персональ составы, Рәсәй Федерацияһы сенаторы вәкәләттәрен биреү өсөн кандидатура — етенсе саҡырылыш Дәүләт Йыйылышынан вәкил мәсьәләһе, Дәүләт Йыйылышы — Ҡоролтай комиссиялары һәм башҡалар тураһында фекер алышты.

https://www.bashinform.ru/news/politics/2023-09-29/v-novom-sozyve-gossobraniya-bashkirii-uvelichat-kolichestvo-komitetov-3459116

Автор:Ләйлә Аралбаева
Читайте нас: