Дәүләт Йыйылышының беренсе ултырышына әҙерлек буйынса ойоштороу комитетының составы билдәле булды

Башҡортостан Дәүләт Йыйылышында етенсе саҡырылыш депутаттарының ойоштороу ултырышы уҙҙы. Уны парламент спикеры Константин Толкачев үткәрҙе, тип хәбәр итә республика парламентының матбуғат хеҙмәте.

Депутаттар Дәүләт Йыйылышының беренсе ултырышына әҙерлек буйынса ойоштороу комитеты ағзаларын һайланы. Уға парламент фракцияларынан 11 кеше инде. «Берҙәм Рәсәй»ҙән ойоштороу комитетында Константин Толкачев, Фәрит Ғүмәров, Руслан Насретдинов, Тамара Танһыҡҡужина, Айбулат Хажин, Рузалиә Хисмәтуллина, Салауат Хөсәйенов бар. КПРФ-тан – Юнир Ҡотлоғужин, Вадим Старов. «Ғәҙел Рәсәй – Патриоттар – Хәҡиҡәт өсөн» партияһынан – Владимир Нагорный, ЛДПР-ҙан – Юрий Рудаков.

Республика парламентының яңы саҡырылышына 64 депутат тәүгә һайланды. Беренсе ултырышҡа тиклем депутаттар электрон теркәү һәм электрон тауыш биреү системаһы менән файҙаланырға, Дәүләт Йыйылышы регламентын, документтар менән эшләү буйынса күрһәтмәне өйрәнде.

https://www.bashinform.ru/news/politics/2023-09-28/stal-izvesten-sostav-orgkomiteta-po-podgotovke-pervogo-zasedaniya-gossobraniya-bashkirii-3457698