Башҡортостан парламентының яңы составы билдәле булды

Башҡортостандың Үҙәк һайлау комиссияһы 10 сентябрҙә йәғни Берҙәм тауыш биреү көнөндә уҙған VII саҡырылыш Дәүләт Йыйылышы — Ҡоролтай депутаттарын һайлауҙың рәсми һөҙөмтәләрен иғлан итте.

Республиканың Үҙәк һайлау комиссияһы мәғлүмәттәре буйынса, һайлаусыларҙың тауыштары түбәндәгесә: «Берҙәм Рәсәй» — 1 063 631, КПРФ — 180 696, ЛДПР — 119 373, «Ғәҙел Рәсәй — Патриоттар —  Хәҡиҡәт өсөн» — 114 056, «Яңы кешеләр» — 52 688.

«Берҙәм Рәсәй» — 41, КПРФ — 6, ЛДПР һәм «Ғәҙел рәсәйҙәр» 4-әр мандат алды.

Парламентҡа үткән депутаттарҙың тулы исемлеге менән республиканың Үҙәк һайлау комиссияһы тапшырған документта танышырға мөмкин.

«Башинформ» хәбәр иткәнсә, Башҡортостан Ҡоролтайының яңы составының тәүге ултырышы 5 октябрҙә үтә. Ошо хаҡта тулыраҡ агентлыҡ лонгридында уҡығыҙ.

https://www.bashinform.ru/news/politics/2023-09-13/tsentrizbirkom-bashkirii-ozvuchil-itogi-vyborov-v-gossobranie-respubliki-3433953