Юғары мөфтөй, Рәсәй мосолмандарының Үҙәк диниә назараты рәйесе Тәлғәт Тажетдинов Волга буйы Болғарының исламды ҡабул итеүененең 1100 йыллығына әҙерләнеү һәм уны үткәреүҙәге хеҙмәттәре өсөн Рәсәй Президенты Владимир Путиндың рәхмәт хаты менән бүләкләнде. Документ дәүләт башлығының указдар порталында баҫылған.
Башинформ хәбәр иткәнсә, 2022 йылдың сентябрендә Өфөлә ошо датаға арналған саралар үтте. Шулай уҡ улар шәйхелисламдың үҙ вазифаһында эшләүенә 40 йыл тулыуға бағышланды.