Константин Толкачев Өфөләге һайлау участкаһында тауыш биреүҙә ҡатнашты

Башҡортостан Дәүләт Йыйылышы рәйесе Константин Толкачев хәләл ефете менән «Башҡортостан» дәүләт концерт залындағы һайлау участкаһына килеп, тауыш биреүҙә ҡатнашты.

Тауыш биргәндән һуң Константин Толкачев журналистар менән аралашты. Республика парламенты спикеры һайлау кампанияһының «ихтирамлы» үтеүен билдәләне һәм һайлау тамамланғансы бер ниндәй ҙә хоҡуҡ боҙоуҙар булмаҫ тигән ышанысын белдерҙе.

«Һайлау махсус хәрби операция шарттарында, ҡатмарлы осорҙа беренсе тапҡыр уҙғарыла. Шуға күрә һайлау алды кампанияһы тыныс барҙы, - тине Константин Толкачев. - Бер генә лә етди хоҡуҡ боҙоу осрағы теркәлмәне. Партия-ара көрәш тә тыныс үтте. Дәүләт Йыйылышына һайлауҙа ете партияның вәкилдәре ҡатнашырға теләк белдерҙе. Бер үк ваҡытта Башҡортостанда урындағы власть органдарына - ауыл һәм ҡасаба советтарына һайлау бара. Бөтәһе 777 һайлау кампанияһы үткәрелә. Һайлау тамамланғансы ҡануниәт боҙоу осраҡтары булмаҫ тип өмөтләнәбеҙ. Һайлаусыларҙың ирекле ихтыярын тәьмин итеү өсөн бөтә шарттар ҙа булдырылған».

https://www.bashinform.ru/news/politics/2023-09-10/konstantin-tolkachev-progolosoval-na-izbiratelnom-uchastke-v-ufe-3427528