Башҡортостан Башлығы Радий Хәбиров Дәүләт Йыйылышы депутаттарын һайлауҙа тауыш бирҙе

Бөгөн, 10 сентябрҙә, Башҡортостан Башлығы Радий Хәбиров хәләл ефете менән «Башҡортостан» дәүләт концерт залында урынлашҡан 109-сы һайлау участкаһында етенсе саҡырылыш республика Дәүләт Йыйылышы депутаттарын һайлауҙа тауыш бирҙе.

«Бөгөн, һис шикһеҙ, мөһим көн. Бөгөн Дәүләт Йыйылышы – Ҡоролтайға ғына һайлау түгел, ауыл биләмәләренең барлыҡ депутаттар корпусы ла тиерлек алмашына , ә был иһә 7 135 депутат мандаты. Уҙған саҡырылыш Дәүләт Йыйылышы эшлекле, конструктив булды, минеңсә, беҙ файҙалы эштәр башҡарҙыҡ, коронавирусҡа ҡаршы көрәштә лә, санкция баҫымы шарттарында ла тиҙ һәм ҡатмарлы ҡарарҙар ҡабул итергә тура килде. Шуға күрә лайыҡлы кешеләрҙең килеүен көтәбеҙ», - тине Радий Хәбиров, «Башинформ» агентлығы һорауына яуап биреп.

https://www.bashinform.ru/news/politics/2023-09-10/glava-bashkirii-radiy-habirov-progolosoval-na-vyborah-deputatov-gossobraniya-3427514