10 сентябрҙә Башҡортостанда йәшәүселәр тауыш биреү мәсьәләләре буйынса кол-үҙәккә мөрәжәғәт итә ала

10 сентябрҙә — Берҙәм тауыш биреү көнөндә, Башҡортостандың Йәмәғәт палатаһы аппараты ҡарамағында тауыш биреү мәсьәләләре буйынса мөрәжәғәттәр өсөн кол-үҙәк эшләй. Был хаҡта «Башинформ»ға республика Йәмәғәт палатаһының матбуғат хеҙмәтендә хәбәр иттеләр.

Электораль юристар республика халҡынан тауыш биреү осоронда ҡануниәттең үтәлешенә бәйле мөрәжәғәттәр ҡабул итә. Закон боҙоу теркәлгән йәки бәхәсле хәлдәр килеп тыуған осраҡта 7 (34-72) 18-16-84 телефонына шылтыратырға йәки nabludatel102@mail.ru электрон почтаһына яҙып ебәрергә мөмкин.

«Кол-үҙәккә тауыш биреү мәсьәләләре, һайлау участкаһында килеп тыуған ғәҙәттән тыш хәл буйынса мөрәжәғәт итергә була», - тине Башҡортостандың Йәмәғәт палатаһы рәйесе урынбаҫары Лида Иҫәргәкова.

Кол-үҙәк 10 сентябрҙә иртәнге сәғәт 8-ҙә асыла һәм участка һайлау комиссияларының эше тамамланғансы эшләй.

10 сентябрҙә йәмәғәт күҙәтеүселәре өсөн дә «ҡыҙыу элемтә» ойошторола. Йәмәғәт күҙәтеүен ойоштороу мәсьәләләре буйынса ярҙамды улар Башҡортостандың Йәмәғәт штабы ағзаларынан алырға мөмкин.

https://www.bashinform.ru/news/politics/2023-09-08/10-sentyabrya-zhiteli-bashkirii-smogut-obratitsya-v-kol-tsentr-po-voprosam-golosovaniya-3425502