Берҙәм тауыш биреү көнөндә республикала 3,2 меңдән ашыу һайлау участкаһы эшләй

10 сентябрҙә — Берҙәм тауыш биреү көнөндә Башҡортостанда 3,2 меңдән ашыу һайлау участкаһы асыла, тип хәбәр итте республика етәксеһе Радий Хәбиров хөкүмәттең оператив кәңәшмәһендә.

Хәбиров билдәләүенсә, ошо йәкшәмбелә Дәүләт Йыйылышы депутаттарын, ауыл советы депутаттарын һайлау була.

«Һайлауға оҙаҡ әҙерләндек. Беҙҙең бурысыбыҙ — барыһын да ойошҡанлы үткәреү, граждандарға үҙ ихтыярын белдереү өсөн шарттар булдырыу», — тине Башҡортостан Башлығы һәм бөтәһенә лә алдағы һайлауҙа уңыштар теләне.

«Башинформ» хәбәр иткәнсә, Донецк һәм Луганск халыҡ республикаларында, Херсон һәм Запорожье өлкәләренән Башҡортостанға күсеп килгән бер нисә мең кеше беренсе тапҡыр Рәсәй Федерацияһы субъекттары сифатында ваҡытынан алда үҙ төбәктәренең закон сығарыу йыйылыштарына һайлауҙа ҡатнаша алды.

Бының өсөн яңы биләмәләр һайлау комиссиялары дүрт экстерриториаль комиссия булдырҙы — Өфөлә һәм Стәрлетамаҡта. Тауыш биреү дүрт көн —  1 сентябрҙән 4-нә тиклем бара.

https://www.bashinform.ru/news/politics/2023-09-04/v-edinyy-den-golosovaniya-v-bashkirii-budut-rabotat-bolee-3-2-tysyachi-izbiratelnyh-uchastkov-3418191