Өфөнөң Калинин районы хакимиәте башлығы Михаил Замурагин отставкаға китте

Баш ҡаланың Калинин районы хакимиәте башлығы Михаил Замурагин отставкаға китте. Мэрияһының матбуғат хеҙмәтендә ошо мәғлүмәтте раҫланылар. Район етәксеһе үҙ теләге менән эштән китеү тураһында ғариза яҙған.

«Михаил Анатольевич үҙ теләге менән ғариза яҙҙы һәм 2023 йылдың 24 июне уның Өфөнөң Калинин районы хакимиәте башлығы вазифаһында һуңғы эш көнө булды. Әлеге ваҡытта вазифаны ваҡытлыса башҡарыусы – етәксенең беренсе урынбаҫары Дмитрий Миронов», - тип хәбәр иттеләр Өфө хакимиәтендә.

Хәтерегеҙгә төшөрәбеҙ, Михаил Замурагин хакимиәт етәксеһе вазифаһына былтыр май айында тәғәйенләнгәйне. Быға тиклем уның хеҙмәт эшмәкәрлеге «Берләшкән двигателдәр эшләү корпорацияһы - Өфө моторҙар эшләү производство берекмәһе» йәмғиәте менән бәйле ине.

https://www.bashinform.ru/news/politics/2023-06-29/glava-administratsii-kalininskogo-rayona-ufy-mihail-zamuragin-podal-v-otstavku-3322001