Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Сәйәсәт
26 Апрель 2023, 11:20

Башҡортостандың ике гимназияһына республиканың беренсе президенты Мортаза Рәхимовтың исеме бирелде

Башҡортостандың ике гимназияһына республиканың беренсе президенты Мортаза Рәхимовтың исеме бирелде. Республика хөкүмәтенең тейешле ҡарарҙары рәсми хоҡуҡи мәғлүмәт интернет-порталында баҫылған.

Башҡортостан Башлығының «Мортаза Ғөбәйҙулла улы Рәхимовтың хәтерен мәңгеләштереү тураһында» указ указын үтәү маҡсатында Күгәрсен районы Мораҡ ауылының Башҡорт гимназияһы һәм Күмертау ҡалаһының 3-сө Башҡорт республика гимназия-интернаты уның исемен йөрөтә башлай.

Бынан алдараҡ Күгәрсен районының элекке башлығы Венир Аҙнағолов «Башинформ»ға комментарий биргәйне:

«Үҫеп килгән быуын хаҡында ла онотмауҙары бик ҡыуаныслы. Указға ярашлы, Күмертауҙың 3-сө Башҡорт республика гимназия-интернатына һәм Күгәрсен районы Мораҡ ауылының Башҡорт гимназияһына Мортаза Рәхимовтың исеме бирелә. Беҙ — Мортаза Ғөбәйҙулла улының яҡташтары, районыбыҙҙан шундай бөйөк етәксе сығыуы менән ғорурланабыҙ. Был гимназияны уның ярҙамы менән төҙөнөк, мин ул саҡта район хакимиәте башлығы булып эшләй инем».

https://www.bashinform.ru/news/politics/2023-04-26/dvum-gimnaziyam-bashkirii-prisvoeno-imya-pervogo-prezidenta-respubliki-murtazy-rahimova-3234550

Читайте нас: