Башҡортостан премьер-министры Ҡоролтай спикерын юбилейы менән ҡотланы

Башҡортостан премьер-министры Андрей Назаров социаль селтәрҙәге сәхифәһендә Башҡортостан Республикаһы Дәүләт Йыйылышы — Ҡоролтай рәйесе Константин Толкачевты 70 йәшлек юбилейы менән ҡотланы.

«Константин Борисовичты юбилейы менән ихлас ҡотлайым. Ул сирек быуатҡа яҡын республика парламентын етәкләй, ә был йылдар бик ҡатмарлы булды. Федераль үҙәк менән төбәктең үҙ-ара килешеп эш итеүен көйләргә, башҡарма һәм закондар сығарыу власының берлектәге эшен ойошторорға, Башҡортостандың үҫешенә булышлыҡ иткән закондар сығарыу базаһын булдырырға кәрәк ине. Күп осраҡта быға Толкачевтың оҫталығы, алдан күрә белеүсәнлеге һәм тәжрибәһе һөҙөмтәһендә өлгәшелде.

Башҡортостан Хөкүмәте һәм парламенты даими рәүештә тығыҙ хеҙмәттәшлектә эшләй, сөнки беҙҙең маҡсатыбыҙ уртаҡ — республиканың уңышлы социаль-иҡтисади үҫеше өсөн шарттар булдырыу. Константин Борисовичты мин эш һөйөүсән, үҙ позицияһын яҡлай белгән, һәр саҡ республикаһына һәм иленә файҙа килтерергә ынтылған кеше булараҡ беләм»,  — тип яҙҙы Андрей Назаров.

https://www.bashinform.ru/news/politics/2023-03-01/premier-ministr-bashkirii-pozdravil-s-yubileem-spikera-kurultaya-3161056