Өфө федераль рейтингтарҙа беренсе урында килә — Мәүлиев

2022 йылдың туғыҙ айы йомғаҡтары буйынса Өфө миллионлы ҡалалар рейтингында тейәп оҙатылған продукция күләме буйынса — беренсе, халыҡтың миграция үҫеше буйынса — икенсе (Краснодарҙан ҡала), торлаҡты файҙаланыуға тапшырыу һәм йәмәғәт туҡланыуы әйләнеше буйынса дүртенсе урынды алды. Өфө хакимиәте башлығы Ратмир Мәүлиев ҡала советы депутаттары алдында 2022 йылда ҡала үҫеше йомғаҡтары тураһында доклад менән сығыш яһағанда ошо хаҡта әйтте.

«Мәскәүҙе һәм Санкт-Петербургты иҫәпкә алмағанда, миллионлы ҡалалар араһында дөйөм статистик күрһәткестәр буйынса Өфө икенсе урынды биләй. Был һөҙөмтәне яҡшыртырға мөмкин, ҡаланы төрлө яҡлап үҙгәртеү буйынса комплекслы программалар әҙерләнгән», — тине баш ҡала мэры.

2024 йылда Өфөнөң 450 йыллығын билдәләүгә әҙерлек сиктәрендә ҙур эштәр башҡарыла, тип билдәләне ул: «Был федераль кимәлдәге ваҡиға. Ваҡыт бик аҙ ҡалып бара, финиш һыҙығына сығабыҙ. Юбилейға әҙерләнгәндә беҙҙең өсөн иң мөһиме  — 450 йыллыҡты билдәләгәндән һуң өфөләргә ҡалдырылған мираҫ. Ҡалабыҙҙа барыһы ла халыҡ өсөн эшләнә. Өфөләрҙең йәшәү сифатын күтәреүгә өлгәшергә тейешбеҙ».

https://www.bashinform.ru/news/politics/2023-02-09/ufa-lidiruet-v-federalnyh-reytingah-mavliev-3136516