Башҡортостан Башлығы Радий Хәбиров республиканан мобилизацияланған ир-егеттәргә һәм уларҙың ғаиләләренә өҫтәмә ярҙам саралары исемлегенә үҙгәрештәр индереү тураһында бойороҡҡа ҡул ҡуйҙы.
Хәҙер махсус хәрби операцияла ҡатнашыусылар һәм уларҙың ғаилә ағзалары ҡаты коммуналь ҡалдыҡтар менән эш итеү буйынса хеҙмәттәргә, торлаҡ йәки коммуналь хеҙмәттәр өсөн ваҡытында түләмәгән осраҡта пеняларҙан, шулай уҡ йорттоң дөйөм мөлкәтен капиталь ремонтлауға аҡса түләүҙән азат ителде.
Башҡортостандан махсус хәрби операцияла ҡатнашыусыларға ярҙам саралары тураһында тулыраҡ мәғлүмәтте «Башинформ» материалынан уҡып белергә мөмкин.