Башҡортостан Дәүләт Йыйылышы — Ҡоролтай рәйесе Константин Толкачев Волга буйы федераль округы субъекттарының парламент етәкселәре медиарейтингында беренсе урынды алды. «Медиалогия»ның дөйөм Рәсәй рейтингында республика спикеры тәүге бишәү иҫәбенә инде. Был хаҡта Дәүләт Йыйылышының матбуғат хеҙмәтенән хәбәр иттеләр.
Тәүгеләр иҫәбендә төбәктәрҙең закон сығарыу йыйылыштары башлыҡтары Владимир Константинов (Ҡырым), Александр Бельский (Санкт-Петербург) һәм Игорь Брынцалов (Мәскәү өлкәһе) бар.
«Башинформ» агентлығы хәбәр иткәнсә, сентябрь башында Башҡортостан Республикаһы Дәүләт Йыйылышы рәйесе Константин Толкачев Рәсәй Президентының почет грамотаһы менән бүләкләнде.