60.45
+0.07
Башҡортостан һәм Өфө яңылыҡтары
61.7
+0.15
96.97
-0.43
22+ °C
Болотло
Бөтә яңылыҡтар
Сәйәсәт
18 Май , 17:45
Радий Хәбиров Үзбәкстан премьер-министры Абдулла Арипов менән осрашты
Бөгөн Башҡортостан Башлығы Радий Хәбиров Үзбәкстан премьер-министры Абдулла Арипов менән эшлекле осрашыу үткәрҙе. Унда яҡтар сәнәғәт, шул иҫәптән машина эшләү, ауыл хужалығы өлкәләрендә артабан хеҙмәттәшлек итеү мөмкинлектәре тураһында фекер алышты. Рәсәйҙең Үзбәкстандағы Сауҙа вәкиллеге ҡарамағында Башҡортостан вәкиле офисы эш башлай, уның маҡсаты — республика бизнесына яңы баҙарҙар асырға ярҙам итеү. Мәҙәниәт, фән, мәғариф, туризм өлкәләрендә лә хеҙмәттәшлекте киңәйтеү күҙаллана.
«Ошо ҡунаҡсыл илдең етәкселегенә делегациябыҙҙы йылы ҡабул иткәндәре өсөн бик рәхмәтлемен. Рәсәй Президенты Владимир Путин менән Үзбәкстан Президенты Шәүкәт Мирзиёев араһындағы ышаныслы мөнәсәбәттәр илдәребеҙ араһында, шул иҫәптән төбәк-ара хеҙмәттәшлек өсөн мөмкинлектәрҙе киңәйтә. Осрашыуҙар һәм һөйләшеүҙәр йомғаҡтары буйынса беҙҙең эшсе төркөмдөң беренсе ултырышы була», — тип яҙҙы Радий Хәбиров социаль селтәрҙә.
Республика тауар әйләнешенең дөйөм күләмендә Үзбәкстан 2,5 процент өлөш менән ун беренсе урынды биләй. 2021 йылда Башҡортостандың Үзбәкстан менән тышҡы сауҙа әйләнеше күләме 113,3 миллион доллар тәшкил иткән, шуның 86 проценты экспортҡа тура килә.Башҡортостандан химия сәнәғәте продукцияһы, каучук, ағас һәм целлюлоза-ҡағыҙ изделиелары оҙатыла. Үзбәкстандан иһә металдар һәм уларҙан эшләнгән изделиелар, машиналар эшләү продукцияһы, туҡыма әйберҙәр, минераль продукттар килтерелә.
Башҡортостанда Үзбәкстан капиталы ҡатнашлығында 56 предприятие эшләй. Улар сауҙа һәм ресторан эшмәкәрлеге, төҙөлөш һәм торлаҡ-коммуналь хужалыҡ, күсемһеҙ милек менән операциялар, хоҡуҡи хеҙмәттәр, аҙыҡ-түлек, йыһаз, ҡағыҙ изделиелар, сәнәғәт ҡорамалы, металл изделиелар, текстиль етештереү өлкәләрендә мәшғүл.
2021/2022 уҡыу йылында республика вуздарында Үзбәкстандан 900-гә яҡын студент уҡый.
Читайте нас в
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2022 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».