Башҡортостан һәм Өфө яңылыҡтары
60.45
+0.07
61.7
+0.15
96.97
-0.43
22+ °C
Болотло
Бөтә яңылыҡтар
Сәйәсәт
18 Май , 16:25

Башҡортостанда йәйгеһен 137 рәсми пляж асыла

Был ғына етмәй, тип иҫәпләй республика властары, һәм муниципалитеттарҙан һыу инеү өсөн махсус йыһазландырылған урындарҙы арттырыуҙы һорай.

Башҡортостан хөкүмәтендә республиканың һыу объекттарында хәүефһеҙлекте тәьмин итеүҙе тикшерҙеләр. Иң мөһиме — ял итеүселәргә тейешле инфраструктура тәҡдим итеү, тип билдәләне вице-премьер Ирек Сәғитов.

«Быйыл 1 июндән 57 муниципалитет биләмәһендә 137 пляж асыу күҙаллана (уларҙың унауһы — Өфөлә). Уҙған йылда 110 пляж асылғайны. Башҡортостан Башлығының Указына ярашлы, 2024 йылға 200 пляж асыу ҡаралған», — тине вице-премьер, муниципалитет башлыҡтарына мөрәжәғәт итеп.

Ғәҙәттән тыш хәлдәр ведомствоһы мәғлүмәттәре буйынса, былтыр ғәҙәттән тыш хәлдәрҙә 116  кешенең ғүмере өҙөлгән. Ҡыҙғанысҡа ҡаршы, бындай фажиғәләрҙең күбеһе һыу инеү миҙегелендә теркәлгән. Мәҫәлән, 2021 йылдың майында өс бала һыуға батып үлгән (алты өлкән кеше).

Ултырышта ҡатнашыусылар мәктәптәрҙә аңлатыу эшен көсәйтергә, балаларҙың өлкәндәрһеҙ һыу буйына барыуын нисек  тыйыуҙы уйларға кәрәклеген билдәләне.

https://www.bashinform.ru/news/politics/2022-05-18/v-bashkirii-letom-otkroyutsya-137-ofitsialnyh-plyazhey-2808957

Читайте нас в