Өфө мэры Ратмир Мәүлиев апрель айында Волга буйы федераль округы төбәктәренең баш ҡалалары етәкселәре медиарейтингында тәүге бишәү иҫәбенә инде. Ул дүртенсе урынды алды.
Өфө хакимиәтенән хәбәр итеүҙәренсә, үткән айҙа киң мәғлүмәт сараларында Ратмир Мәүлиев хаҡында 9 477 мәғлүмәт баҫылған.
«Медиалогия» әҙерләгән рейтингҡа Волга буйы федераль округындағы 28 баш ҡала мэры һәм хакимиәт башлығы индерелгән.
Рейтинг 77 сығанаҡҡа таянып төҙөлгән (ТВ, радио, гәзит-журналдар, мәғлүмәт агентлыҡтары, интернеттағы киң мәғлүмәт саралары).
Хәтерегеҙгә төшөрәбеҙ, февралдә Ратмир Мәүлиев рейтингта икенсе урында ине.