Пандемия медицинаға үҫешергә мөмкинлек бирҙе — Радий Хәбиров
Коронавирус эпидемияһы парадоксаль рәүештә беҙгә медицинаны көслөрәк итергә мөмкинлек бирҙе, тине Башҡортостан Башлығы Радий Хәбиров Гайдар форумы барышындағы фекер алышыуҙа. Бөгөн ул «Һаулыҡ һаҡлауҙың милли системаһын яңынан ҡарау» панель сессияһында ҡатнаша.
Тәү сиратта беренсел система — поликлиникалар һәм фельдшер-акушерлыҡ пункттары нығытыуға мохтаж, тип билдәләне Башҡортостан Башлығы.
«Эш менән республика буйлап йөрөй башлағас, ниҙәр генә күрмәнем. Беҙҙә фельдшер-акушерлыҡ пункттары немец хәрби әсирҙәре өсөн баракта, 1890 йылда төҙөлгән бинала урынлашҡайны. Ә беҙҙә халыҡтың 1,7 миллионы ауылда йәшәй, фельдшер-акушерлыҡ пункттары иһә 1960. Беренсел звеноны комплекслы модернизациялау федераль программаһының ярҙамы ҙур, уның буйынса республика 2025 йылға тиклем 18 миллиард һум аҡса алырға тейеш. Ошо мәсьәләнең хәл ителә башлауы бик яҡшы, юҡһа, элек медицина үҙәктәрен булдырыуға иғтибар итәләр ине, беҙҙә онкология, кардиология үҙәктәре бар.
Икенсе мөһим мәсьәлә — кадрҙар. Әйткәнемсә, әгәр беҙҙә 2021 йылғы сығарылыш уҡыусыларының барыһы ла медицинаға килһә, кадрҙар етешмәү мәсьәләһе бөтөнләй хәл ителер ине. Юҡ бит. Улар ҡайҙа китә? Кемдер медицинаның үҙенең булмышы түгел икәнен аңлап, икенсе өлкәлә эш таба, башҡалары иһә коммерция нигеҙендә эшләгән һаулыҡ һаҡлау ойошмаларына бара. Был проблеманы аҡса менән дә хәл итеп булмай — фельдшерға миллион һум бирәбеҙ, ул өс йыл эшләй ҙә ситкә сығып китә. Шуға медицина колледжын тамамлағандарға, шәфҡәт туташы, санитар булып эшләгәндәргә юғары белем алыуҙа ярҙам итергә кәрәк тип иҫәпләйем.
Өсөнсөһө — яңы технологиялар. 1960 фельдшер-акушерлыҡ пунктының 1800-өндә интернет бар. Әйтәйек, фельдшер пациенттың кардиограммаһын республика кардиология үҙәгенә ебәрергә һәм белгестән консультация алырға мөмкин. Йәки икенсе проблема — кешегә эшкә яраҡһыҙлыҡ ҡағыҙы асыу өсөн табипҡа барып тормайынса ғына уның менән бәйләнешкә инергә була. Дөйөм алғанда, киләсәк — телемедицина ҡулында. Мин бына шуны әйтергә теләгәйнем, табиптарға ҙур рәхмәт», — тип йомғаҡ яһаны Башҡортостан Башлығы.
https://www.bashinform.ru/news/politics/2022-01-13/pandemiya-dala-meditsine-shans-dlya-razvitiya-radiy-habirov-2652791
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.