Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-14 °C
Ҡар
Бөтә яңылыҡтар
Сәйәсәт
10 Ғинуар , 14:31

Радий Хәбиров 2022 йылда Башҡортостан нефтенең 90 йыллығын байрам итеү тураһындағы указға ҡул ҡуйҙы

2022 йылда Башҡортостанда нефть сығара башлауға 90 йыл тула. Шуға бәйле республика етәксеһе ошо мөһим юбилейға әҙерләнеү һәм уны ойоштороу тураһында Указға ҡул ҡуйҙы.

Документҡа ярашлы, ойоштороу комитеты булдырыла һәм саралар планы төҙөлә. Шулай уҡ Ишембайға «Хеҙмәт ҡаһарманлығы ҡалаһы» исемен биреүҙе юллау планлаштырыла. Бынан тыш, юбилей саралары барышында Башҡортостан нефтен беренсе булып асыусылар майҙанына, Губкин урамына капиталь ремонт үткәрелә, «Вышка-өләсәй» мемориаль комплексы, Башҡортостан нефтен беренсе асыусылар һәм Блохин урамдары реконструкциялана, шулай уҡ Блохин исемендәге һәм «Бөйөк Ватан һуғышында һәләк булған Ишембай нефтселәренә һәйкәл» скверҙары төҙөкләндерелә.

Әһәмиәтле дата уңайынан тантаналы сара 2022 йылдың майында «Торатау» конгресс-холында була. Шунда уҡ тармаҡтың иң яҡшы хеҙмәткәрҙәре һәм ветерандары бүләкләнә.

Республика Хөкүмәтенә указдың үтәлешен контролдә тотоу, шулай уҡ сығымдарҙы финанслау сығанаҡтарын билдәләү бурысы йөкмәтелде.

https://www.bashinform.ru/news/politics/2022-01-10/radiy-habirov-podpisal-ukaz-o-prazdnovanii-v-2022-godu-90-letiya-bashkirskoy-nefti-2648694

Автор:Әлфиә Әһлиуллина