Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Сәйәсәт
7 Декабрь 2021, 16:11

Александр Лукашенко Радий Хәбировҡа: Бергәләп яҡшыраҡ һәм күберәк булдырабыҙ

Белоруссия Президенты Александр Лукашенко Башҡортостан менән көрсөккә тиклемге тауар әйләнешен тиҙерәк тергеҙеү мөмкинлеген күрә. Ошо хаҡта Белоруссия башлығы 7 декабрҙә Башҡортостан Башлығы Радий Хәбиров менән осрашыуҙа белдерҙе.

Александр Лукашенко республиканың һәм халыҡтың Белоруссия менән оҡшашлығына иғтибар итте. «Беҙгә был яҡтар яҡын», - тип өҫтәне дәүләт башлығы.

«Ошондай ҡатмарлы осорҙа вәкиллекле делегацияның килеүе беҙҙең өсөн бик әһәмиәтле. Төп бурысыбыҙ асыҡ һәм хәл итерлек – көрсөккә тиклемге сауҙа әйләнешен, элекке күрһәткестәрҙе мөмкин тиклем тиҙерәк тергеҙеү», – тип билдәләне президент.

Президент сауҙа өлкәһендә үҙ-ара килешеп эш итеүҙе әүҙемләштереү өсөн файҙаланырға мөмкин булған резервтарҙы тикшерергә һәм киләсәккә өҫтөнлөклө йүнәлештәрҙе билдәләргә тәҡдим итте. «Беҙгә ниндәйҙер сәйәсәтте тикшерергә кәрәктер тип уйламайым, ул беҙҙә берҙәм».

Башҡортостан Башлығына мөрәжәғәт итеп, Александр Лукашенко «Беҙ яҡшыраҡ булдырабыҙ!» лозунгын «Бергәләп яҡшыраҡ һәм күберәк булдырабыҙ!» тигән һүҙҙәр менән тулыландырырға тәҡдим итте.

Уның һүҙҙәренсә, Башҡортостандың бай ресурстарын һәм илебеҙҙең сәнәғәт ҡеүәтен иҫәпкә алып, машиналар эшләү продукцияһы менән тәьмин итеүҙе арттырыуға иғтибар итергә кәрәк. Ошо йәһәттән Беларусь автомобиль заводы, МТЗ, «Гомсельмаш», «Амкодор», БЕЛАЗ кеүек алдынғы предприятиеларыбыҙҙың заманса автомобиль, ауыл хужалығы, юл-төҙөлөш һәм коммуналь техникаһын, шулай уҡ «Могилевлифтмаш»тың лифт ҡорамалдарын тәҡдим итергә әҙер.

Үҙ сиратында Башҡортостан Башлығы былай тип белдерҙе: «Беҙ уртаҡ үҫеш, хеҙмәттәшлек өсөн тормошҡа ашырылмаған тағы бик ҙур потенциал барлығын аңлайбыҙ. Беҙҙе бер ниндәй ковидтар ҙа, санкциялар ҙа ҡурҡытмай. Һеҙҙең менән эшләргә, халыҡтың һәм Белорусь Республикаһының, Башҡортостандың именлеге үҫешеүен теләйбеҙ».

«Беҙҙе бында туғандары, яҡын дуҫтары кеүек ҡаршы алдылар. Башҡортостан менән Белорусь халҡы ысынлап та туғандаш халыҡтар тип әйтеүҙән дә ҡурҡмайым. Тарихыбыҙ, ата-бабаларыбыҙ уртаҡ», – тип өҫтәне Радий Хәбиров.
Автор:Азат Ғиззәтуллин
Читайте нас: