Радий Хәбиров: Эске эштәр органдары хеҙмәткәрҙәренең эше ҡатмарлы

Бөгөн, Эске эштәр органдары хеҙмәткәрҙәре көнөндә, Башҡортостан Башлығы Радий Хәбиров һәм Башҡортостан буйынса эске эштәр министры, полиция генерал-лейтенанты Роман Деев Башҡортостан Республикаһының Эске эштәр министрлығы янындағы Өфө городовойы һәйкәленә сәскәләр һалды.

Фото:Олег Яровиков

Тантанала хөкүмәт премьер-министры Андрей Назаров, республика Башлығы хакимиәте етәксеһе Александр Сидякин, хоҡуҡ тәртибе органдары ветерандары ҡатнашты. Хәтерегеҙгә төшөрәбеҙ, һәйкәл 2018 йылда Рәсәй полицияһының 300 йыллыҡ юбилейы уңайынан ҡуйылған. Скульпторы — Өфө рәссамы Хәниф Хәбибрахманов. Бронзанан ҡойолған һын революцияға тиклемге тәртип һаҡсыһы образын сағылдыра. Уны эшләү өсөн скульптор республиканың Эске эштәр министрлығы музейындағы архив фотоһүрәттәре һәм тарихи артефакттар менән танышып сыҡҡан.

«Бөгөн беҙ йәмғиәт һәм граждандарыбыҙ мәнфәғәте һағында торған эске эштәр органдары хеҙмәткәрҙәренә хөрмәт күрһәтергә һәм рәхмәт әйтергә тейешбеҙ. Был — ҡатмарлы һәм ауыр эш, сөнки тәртип һаҡсылары үҙ эшмәкәрлегендә йыш ҡына тормошобоҙҙоң насар яҡтары менән эш итә. Кешегә ҡыйын булһа, ул шунда уҡ полицияны ярҙамға саҡыра. Республикабыҙҙа 14 меңдән ашыу эске эштәр органдары хеҙмәткәре бар, был — үҙ байрамында ла йәмәғәт тәртибен һәм граждандарыбыҙ һағында торған бик ҙур армия. Эске эштәр министрлығының 177 хеҙмәткәре хеҙмәт бурыстарын үтәгәндә һәләк булған. Төньяҡ Кавказда контртеррористик операцияны үтәү барышында 20 кешенең ғүмере өҙөлгән, 30 хеҙмәткәр үлгәндән һуң Батырлыҡ ордены, алтауһы Ҡыҙыл Йондоҙ ордены менән бүләкләнгән. Әлбиттә, эске эштәр органдары ветерандарына эштәре өсөн ҙур рәхмәт», - тине Радий Хәбиров, «Башинформ» агентлығы һорауына яуап биреп.

Белешмә

Ағымдағы йылдың туғыҙ айында эске эштәр органдары хеҙмәткәрҙәре 24 меңгә яҡын енәйәтте асҡан, уларҙың 4 меңдән ашыуы — ауыр һәм айырыуса ауыр енәйәттәр.

Йәмәғәт тәртибенә ҡаршы төшкән 220 меңдән ашыу административ хоҡуҡ боҙоуға юл ҡуйылмаған (шул иҫәптән 55 мең самаһы — COVID-19-ҙы таратмауға бәйле санитар ҡағиҙәләрҙе һәм нормаларҙы боҙған өсөн).

Автор:Азат Ғиззәтуллин

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».