Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Сәйәсәт
28 Октябрь , 12:02

Башҡортостан Республикаһының яңыртылған Конституцияһының тексы башҡорт һәм рус телдәрендә баҫылды

Башҡортостан Дәүләт Йыйылышы – Ҡоролтай сайтында республика Конституцияһының тулы тексы рус һәм башҡорт телдәрендә донъя күрҙе.

– Башҡортостан парламенты республикабыҙҙың Төп Законына үҙгәрештәр индереү буйынса ҙур эш башҡарҙы, – тине Дәүләт Йыйылышы рәйесе Константин Толкачев. – Башҡортостан Республикаһы Конституцияһында Рәсәй Федерацияһының яңыртылған Конституцияһының тезистары сағылыш тапты һәм үҫеш алды. Улар араһында – социаль гарантияларҙы нығытҡан, илһөйәрлек тәрбиәләүгә, традицион ғаилә ҡиммәттәрен, халыҡтарҙың мәҙәни үҙенсәлеген һаҡлап ҡалыуға йүнәлтелгән әһәмиәтле положениелар. Конституция – мөһим норматив документ, барлыҡ хоҡуҡ системаһының нигеҙе булып тора. Бер закон да, бер ҡарар йәки бойороҡ та Конституцияға ҡаршы килә алмай. Ике дәүләт телендәге документ Дәүләт Йыйылышы сайтында баҫылған. Башҡорт теленә тәржемә ителгән төп закон тәү сиратта бөтә кимәлдәге депутаттар, милли матбуғат журналистары, уҡытыу башҡорт телендә алып барылған уҡыу йорттары уҡытыусылары, уҡыусылары өсөн кәрәк.