Владимир Путин: коронавирусҡа бәйле хәл менән 30 октябрҙән 7 ноябргә тиклем Рәсәйҙә ял көндәре иғлан ителде
Рәсәй Президенты ил хөкүмәтенең 30 октябрҙән 7 ноябргә тиклем Рәсәйҙә ял көндәре иғлан итеү тураһында тәҡдимен хупланы. Уның һүҙҙәре буйынса вакциналау кимәле түбән ҡала, һөҙөмтәлә коронавирус сире таралыуын дауам итә. Шул уҡ мәлдә был ял көндәренә ҡарата эш хаҡы һаҡланып ҡаласаҡ.
Владимир Путин Рәсәй хөкүмәте ағзалары менән үткәргән кәңәшмәлә вице-премьер Татьяна Голикова коронавирустың ил буйлап таралыуы арҡаһында 30 октябрҙән 7 ноябргә тиклем Рәсәйҙә ял көндәре иғлан итеү тураһында тәҡдим яһаны.
«Илдең эпидемиологик хәл айырыуса ҡатмарлы булған төбәктәрендә ял көндәрен алданыраҡ, мәҫәлән шәмбенән, 23 октябрҙән индерергә тәҡдим итәм", - тине ул һәм коронавирус менән башҡа миҙгел вирустарының таралыуына бәйле эпидемиологик хәл ҡатмарлаша бара тип белдерҙе. - Беҙ бына айҙан ашыу ауырыусылар һанының тотороҡло үҫешен күҙәтәбеҙ. Тәүлек эсендә коронавирус йоҡтороусыларҙың һаны 35 меңгә етә, һуңғы ваҡытта беҙ көн һайын 1 меңдән ашыу гражданды юғалтабыҙ. Был ныҡ ҡурҡыныс һандар, сөнки улар артында яҡын кешеләребеҙҙең ғүмерҙәре тора», - тине Голикова.
Вице-премьер әйтеүенсә, РФ төбәктәре күп кеше ҡатнашлығындағы сараларға, айырым объекттарға кешеләрҙе вакциналауҙы күрһәткән QR-код йәки ковид менән ауырығанды раҫлаған белешмә менән генә индереүҙе тәьмин итергә тейеш. Был алда иғлан ителгән ял көндәренә лә ҡағыла.
Голикова артабан прививка яһатмаған пенсионерҙар өсөн өй режимын индерергә һәм вакцинаһыҙ оло йәштәге хеҙмәткәрҙәрҙе "удаленка"ға ебәрергә кәрәк тип белдерҙе.
Владимир Путин, үҙ сиратында, эпидемияның яңы тулҡыны бейеклеген кире ҡағыу мөһим тип белдерҙе һәм килеп тыуған хәл йәһәтенән бар илдә ял көндәрен иғлан итеү тураһында тәҡдимгә ризалығын белдерҙе.
Президент айырым билдәләп әйтеүенсә ял көндәрендә хеҙмәткәрҙәрҙең эш хаҡы һаҡланып ҡалырға тейеш.
Бынан тыш, Путин төбәктәргә ковид менән көрәшкә өҫтәлмә ял көндәре бүлеү хоҡуғын бирҙе һәм кәрәккәндә уларҙы 23 октябрҙән индерергә саҡырҙы.
https://www.bashinform.ru/news/politics/2021-10-20/vladimir-putin-dni-s-30-oktyabrya-po-7-noyabrya-v-rossii-ob-yavleny-nerabochimi-iz-za-situatsii-s-koronavirusom-2554511
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.