Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Сәйәсәт
29 Сентябрь 2021, 09:38

Нур-Солтанда Башҡортостан Башлығы менән Ҡаҙағстан Президентының эшлекле осрашыуы уҙҙы

Башҡортостан Башлығы сайты
Башҡортостан Башлығы сайты
28 сентябрҙә Нур-Солтанда Башҡортостан Башлығы Радий Хәбиров менән Ҡаҙағстан Президенты Ҡасым-Жомарт Тоҡаевтың эшлекле осрашыуы булды. Дәүләт башлығы билдәләүенсә, Рәсәй менән стратегик хеҙмәттәшлек ике илдең төбәк-ара мөнәсәбәттәренә лә ныҡ йоғонто яһай.
Ҡасым-Жомарт Тоҡаев һүҙҙәренсә, ковид пандемияһының дауам итеүенә ҡарамаҫтан, Ҡаҙағстан менән Башҡортостандың күп яҡлы бәйләнештәре йылдам үҫешә, йөкмәткеһе лә тулылана.
Башҡортостан да, Ҡаҙағстан да төрлө өлкәләрҙә хеҙмәттәшлек итеү менән ҡыҙыҡһына, тип билдәләне Радий Хәбиров.
«Беҙ тармаҡ бәйләнештәрен, сәнәғәт кооперацияһын киңәйтергә, бергәләп юғары сифатлы продукция етештерергә әҙербеҙ, – тине Радий Хәбиров. – Туғандаш ҡаҙаҡ халҡының Башҡортостан тураһында күберәк белеүен теләйбеҙ. Ҡаҙағстан күп милләтле Рәсәйҙә йәнә үҙенә ҡәрҙәштәр тапһын өсөн».
Берлектәге предприятиелар һаны арта, нефть химияһы, ауыл хужалығы, металлургия, еңел сәнәғәт һәм башҡа тармаҡтарҙа инвестиция проекттары уңышлы тормошҡа ашырыла, тип билдәләне яҡтар.
Автор:«Башинформ» мәғлүмәт агентлығы
Читайте нас: