70.86
0
82.5
0
86
+0.47
7+ °C
Облачно
Бөтә яңылыҡтар
Сәйәсәт
17 Сентябрь , 11:48

Башҡортостанда дауаханаларҙа, шифаханаларҙа һәм тәфтиш изоляторҙарында 39 ваҡытлыса һайлау участкаһы асыла

Валерий Шахов
Башҡортостанда 19 сентябрҙә — Дәүләт Думаһына депутатлыҡҡа кандидаттар өсөн берҙәм тауыш биреү көнөндә дауаханаларҙа, шифаханаларҙа һәм тәфтиш изоляторҙарында 39 ваҡытлыса һайлау участкаһы асыла. Был турала «Һайлау-2021» йәмәғәт матбуғат үҙәгендә уҙған брифингта Башҡортостан Республикаһының Үҙәк һайлау комиссияһы рәйесе урынбаҫары Марат Ғәҙилов хәбәр итте.
«Республикала дауаханаларҙа, шифаханаларҙа һәм тәфтиш изоляторҙарында 39 ваҡытлыса һайлау участкаһы асыла. Унда ла әүҙем һайлау хоҡуғына эйә булған кешеләр бар. Әлбиттә, улар тауыш бирә ала, беҙ шундай мөмкинлек бирәбеҙ. Тик был урындарҙа һайлау участкалары 19 сентябрҙә генә эшләй. Рәсәйҙә теркәлмәгәндәр өсөн Өфөнөң Посадская урамында участка асыла. Үҙең менән паспорт кәрәк», — тине Марат Ғәҙилов.
Тауыш биреүҙең беренсе көнөндә, 17 сентябрҙә, Башҡортостандағы барлыҡ 3 403 һайлау участкаһы асылды, халыҡ килә, тип билдәләне ул. Участкаларҙа һайлаусыларға битлектәр, бирсәткәләр, ручкалар бирәләр. Шулай уҡ һайлаусыларҙың температураһын үлсәйҙәр.
Башҡортостан Республикаһының Үҙәк һайлау комиссияһы вәкиле һүҙҙәренсә, республикала тауыш биреү барышын 1320 камеранан күҙәтергә мөмкин. Бынан тыш, участкаларҙа ун меңләгән күҙәтеүсе һәм 500-ҙән ашыу журналист эшләй.
«Бөтә процесс асыҡ», — типп өҫтәне ул.
Автор:«Башинформ» мәғлүмәт агентлығы