Шәмбе, 23 Май 2026

Өфө

+15 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Сәйәсәт

05:33 (UTC+5), 15 Сентябрь 2021

Республиканың Үҙәк һайлау комиссияһы Башҡортостанда һайлауға әҙерлек тураһында һөйләне

Валерий Шахов

«Башинформ» мәғлүмәт агентлығы

Башҡортостанда 17-19 сентябрҙә 3 миллиондан ашыуыраҡ кеше һайлауҙа ҡатнаша ала, уларҙың 43 меңе тәүге тапҡыр үҙҙәренең һайлау хоҡуғынан файҙалана. Был хаҡта Башҡортостан Республикаһы Үҙәк һайлау комиссияһы етәкселегенең «Башинформ» мәғлүмәт агентлығында уҙған матбуғат конференцияһында иғлан ителде.

Республикала, Дәүләт Думаһы депутаттарын һайлауҙан тыш, 29-сы Талбазы, 43-сө Красный Холм, 55-се Беүә һайлау округтары буйынса Дәүләт Йыйылышы депутаттарын өҫтәмә һайлау, Өфө, Бөрө һәм Белорет ҡала советтарына һайлау, шулай уҡ ҡайһы бер ауыл советтарына һайлау уҙғарыла. Бөтәһе 175 кампания, уларҙың барышында 312 мандат бүленә, өҫтәүенә исемлектәр буйынса тауыш биреү.

Дәүләт Думаһына һайлауҙа – 14 партия, алты бер мандатлы округ буйынса 13 партиянан 59 кандидат теркәлгән. Башҡортостан Дәүләт Йыйылышына өҫтәмә һайлауҙа 4 партиянан 11 кандидат теркәлгән, бер кандидат үҙен-үҙе тәҡдим иткән.

Республикала йәмғеһе 3403 һайлау участкаһы асыла, шул иҫәптән дауаханаларҙа, һаҡ аҫтында тотоу урындарында, шифаханаларҙа, вокзалда, ҡарттар йорттарында. Рәсәйҙә теркәлмәгәндәр өсөн Өфөнөң Посадская урамында участка эшләй. 272 тораҡ пунктта 30 мең кеше күсмә участка-автобустарҙа тауыш бирә. Һаулыҡ мөмкинлектәре сикләнгән граждандарға участка һайлау комиссияһы ағзалары өйҙәренә килә.

Тауыш биреүҙе ойоштороу өсөн Башҡортостан федераль бюджеттан 500 миллион һум аҡса алды, тине Башҡортостан Республикаһының Үҙәк һайлау комиссияһы рәйесе Илона Макаренко.

Участкаларҙың 40% видеокүҙәтеү камералары менән тәьмин ителә. М.Ғафури исемендәге Башҡорт академия драма театрында Башҡортостан Республикаһының Йәмәғәт палатаһы ойошторған видеокүҙәтеү үҙәге эшләй. Унда видеокүҙәтеү менән йыһазландырылған барлыҡ участкаларҙан трансляцияларҙы күрергә мөмкин. Үҙәк һуңғы бюллетенде иҫәпләгәнсе өс көн дауамында эшләй. Үҙәккә аккредитация алыу өсөн ғариза бирергә кәрәк.

Башҡортостан өсөн партия исемлеге һәм бер мандатлы округтар буйынса 3030100 һайлау бюллетене әҙерләнгән. Республикала онлайн тауыш биреү әлегә юҡ, ул илдә этаплап индерелә, Башҡортостанда йәшәүселәр өсөн онлайн тауыш биреү мөмкинлегенең барлыҡҡа килеү ваҡыты билдәһеҙ, тип һөйләне Башҡортостан Республикаһының Үҙәк һайлау комиссияһы рәйесе урынбаҫары Марат Ғәҙилов. Быйыл ул Рәсәйҙең ете субъектында ғына мөмкин.

https://www.bashinform.ru/news/1644382-na-vyborakh-v-bashkirii-budet-rabotat-kruglosutochnyy-tsentr-videonablyudeniya-/

1 из 12

#һайлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.