92.51
-0.79
Башҡортостан һәм Өфө яңылыҡтары
98.91
-0.65
87.98
+0.08
13+ °C
Болотло
Бөтә яңылыҡтар
Сәйәсәт
26 Август 2021, 10:02
Радий Хәбиров Өфөлә WorldSkills Russia-2021 милли чемпионаты финалына старт бирҙе
Олег Яровиков, Валерий Шахов
Өфө амфитеатрында IX «Йәш һөнәрмәндәр» (WorldSkills Russia) 2021 милли чемпионаты финалын асыу тантанаһы уҙҙы.
«Чемпионатты үткәреүгә әүҙем әҙерләндек, унда ҡатнашыусылар өсөн яҡшы шарттар булдырҙыҡ. Чемпионат ҙур әһәмиәткә эйә, ул эшсе һөнәрҙәрҙең, һөнәри белем алыуҙың абруйын күтәрә, һәләтле балаларға үҙҙәрен күрһәтергә мөмкинлек бирә», — тине республика етәксеһе.
Тотош илдән килгән үҙ эшенең ысын оҫталарын ҡабул итеү — республикабыҙ өсөн ҙур хөрмәт, тип билдәләне Радий Хәбиров.
«Ысын күңелдән һеҙгә яңы еңеүҙәр теләйем, һеҙ һөнәргә эйә булдығыҙ инде. Ҡунаҡсыл Өфөнән Башҡортостан хаҡында йылы хәтирәләр алып ҡайтып китерһегеҙ тип ышанам. Уңыштар һеҙгә», — тине республика етәксеһе.
«Йәш һөнәрмәндәр» союзының генераль директоры Роберт Уразов Милли чемпионат финалында ҡатнашыусыларға үҙенең теләктәрен еткерҙе. Йәштәр Өфөлә үҙҙәренең бөтә һөнәри оҫталығын күрһәтер, тигән ышаныс белдерҙе ул.
«Ниһайәт, беҙ аралаша, ярыша, яңы берлектәге проекттар эшләй алабыҙ, – тине Роберт Уразов. – Тирә-яҡҡа ҡарағыҙ – ниндәй күркәм ҡала! Ниндәй йылы мөхит! Мин һауа торошо тураһында әйтмәйем, ә ҡунаҡтарға йылмайған республика халҡы тураһында һүҙ алып барам. Мин чемпионатта ҡатнашыуҙан тыш, илебеҙҙең ниндәй матур, Өфөнөң ниндәй шәп ҡала икәнен, бында ниндәй шәп кешеләр йәшәгенен күреүегеҙҙе теләр инем. Алға, WorldSkills!».
Рәсми флагты күтәргәндән һуң Радий Хәбиров WorldSkills Russia-2021 милли чемпионаты финалының асыҡ булыуын иғлан итте.
Халыҡ-ара йыһан станцияһы бортынан видеобәйләнешкә сыҡҡан космонавтар Пётр Дубров һәм Олег Новицкий ҙа чемпионатта ҡатнашыусыларға уңыштар теләне.
Өфөгә бөтәһе 1800 конкурсант килде, уларҙың 600-ө — юниорҙар. Эксперт берләшмәһе 2000-гә яҡын кешенән тора. Чемпионатта Рәсәйҙең 76 төбәгенән командалар ҡатнаша. Башҡортостан Республикаһы йыйылмаһында 498 кеше иҫәпләнә — 280 конкурсант һәм 218 эксперт. Республика 103 компетенция буйынса ярыштарҙа ҡатнашырға йыйына.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».