Радий Хәбиров юғары әҙерлек режимы тураһында указға үҙгәрештәр индерҙе

Азат Ғиззәтуллин

Башҡортостан Башлығы Радий Хәбиров коронавирус таралыу хәүефенә бәйле юғары әҙерлек режимы тураһында указға үҙгәрештәр индерҙе.

Документтың яңы редакцияһына ярашлы, 2021 йылдың 2 июленә тиклем Башҡортостан халҡына, шулай уҡ республика биләмәһендәге сит ил граждандарына һәм гражданлығы булмағандарға халыҡ күп йөрөгән урындарға, шул иҫәптән майҙандарға, парктарға, скверҙарға, аллеяларға барыуҙан тыйылырға кәрәк.

Түбәндәге документтарҙың береһе булған осраҡта ғына республикала йәшәүселәр (бәлиғ булмағандарҙан тыш) учреждениеларҙа, ойошмаларҙа тауарҙар һәм хеҙмәттәр алырға мөмкин:

— Берҙәм дәүләт һәм муниципаль хеҙмәттәр порталы аша электрон төрҙә йәки ҡағыҙға баҫылған COVID-19-ға ҡаршы вакцинация үтеү сертификаты;

— медицина ойошмаһынан коронавирусҡа ҡаршы прививка эшләтеү (шул иҫәптән беренсе компонент менән) тураһында белешмә;

— медицина ойошмаһынан COVID-19-ға ҡаршы вакцинация яһатырға ярамау тураһында белешмә;

— электрон төрҙә йәки ҡағыҙға баҫылған ПЦР-анализдың кире һөҙөмтәһе тураһында белешмә (өс тәүлек ғәмәлдә).

2021 йылдың 22 июненән был талап музейҙар, күргәҙмә залдары, китапханалар, театрҙар, кинотеатрҙар, концерт залдары, мәҙәниәт йорттары (һарайҙары) эшмәкәрлегенә, төнгө клубтарҙың эшенә (дискотекаларға), шулай уҡ ябыҡ биналарҙа күп кеше ҡатнашлығындағы физкультура һәм спорт сараларын уҙғарыуға ҡағыла.

2021 йылдың 29 июненән ошо талап йәмәғәт туҡланыуы өлкәһенә (10 һәм унан күберәк урындар), матурлыҡ салондары, косметик, СПА-салондар, массаж салондары, солярийҙар, мунсалар, сауналар, физкультура-һауыҡтырыу комплекстары, фитнес-клубтар, бассейндар, шифахана-курорт ойошмалары, студент ятаҡтары эшмәкәрлегенә, шулай уҡ дөйөм ҡулланыуҙағы автотранспортта ҡала-ара пассажир ташыуға һәм «Орлан» ҡала яны поезы эшенә ҡағыла.

Юғары уҡыу йорттарына һәм колледждарға уҡырға инеү өсөн кәрәкле документтар ҡабул итеү, һынауҙар үткәреү, апелляциялар ҡарау дистанцион режимда ойошторола. 18 йәшкә тиклемгеләргә, вакцинация үтеү, прививка эшләтергә ярамау йәки ПЦР-анализдың кире һөҙөмтәһе тураһында белешмәһе (сертификаты) булғандарға ғына килергә рөхсәт ителә.

https://www.bashinform.ru/news/1607556-radiy-khabirov-vnyes-izmeneniya-v-ukaz-o-rezhime-povyshennoy-gotovnosti/

#юғары әҙерлек тураһында указ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.