Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Сәйәсәт
11 Декабрь 2020, 16:35

Кушнаренко районында ике инәй бер быуатлыҡ һәм 105 йәшлек юбилейҙарын билдәләне

Кушнаренко районы хакимиәте
Кушнаренко районында ике оҙон ғүмерле инәй бер көнгә генә айырма менән үҙҙәренең юбилейҙарын билдәләй. Бөгөн Мәүлиха Рәжәп ҡыҙы Ризуановаға 100 йәш тулды, ә кисә Кәшифә Сәхипгәрәй ҡыҙы Шәйгәрҙәнова 105-се тыуған көнөн ҡаршы алды.
«Улар, һис арттырыуһыҙ, ғәжәйеп ҡатын-ҡыҙҙар Совет Рәсәйе төҙөлгәндән башлап, бөтә ил менән бергә ҙур тормош юлы үтте, ауыр Бөйөк Ватан һуғышы йылдарында ла бирешмәне, хәҙерге дәүләтебеҙҙең үҫешенә лә шаһит булды. Мәүлиха Рәжәп ҡыҙы һәм Кәшифә Сәхипгәрәй ҡыҙы ошо йылдар буйына илдең именлеге һәм сәскә атыуы өсөн намыҫлы хеҙмәт итте, балалары һәм ейәндәренән тыш, бүлә-бүләсәрҙәрен лайыҡлы тәрбиәләп үҫтерҙе. Ҡәҙерлеләребеҙ, һеҙҙе матур юбилейығыҙ менән ҡотлайым! Һуғыш осоронда һәм тыныс ваҡытта намыҫлы эшләгәнегеҙ өсөн түбәнселек менән баш эйәм! Кушнаренко халҡы өсөн һеҙ – Тыуған илеңде яратыу, илеңә хеҙмәт итеү, батырлыҡ һәм ныҡлыҡ, ғаиләгә тоғролоҡ һәм хәстәрлекле әсә өлгөһө. Һеҙгә ныҡлы һаулыҡ, рух күтәренкелеге һәм яҡындарығыҙ менән оҙаҡ йылдар бергә йәшәүегеҙҙе теләйем», — тип яҙҙы Кушнаренко районы хакимиәте башлығы Руслан Ғиззәтуллин.
https://www.bashinform.ru/news/1533246-dve-dolgozhitelnitsy-kushnarenkovskogo-rayona-otmetili-vekovoy-i-105-letniy-yubilei/
Автор:«Башинформ» мәғлүмәт агентлығы