Өфөлә полиция генерал-лейтенанты Артур Әхмәтхановҡа һәйкәл асылды

Олег Яровиков, Валерий Шахов

Бөгөн Өфөнөң мосолмандар зыяратында полиция генерал-лейтенанты Артур Әхмәтхановтың бюсын асыу тантанаһы уҙҙы. Башҡортостандың данлы улы енәйәтте тикшереү бүлеге оперуполномоченныйынан алып Эске эштәр министрлығының республика идаралығы етәксеһенә тиклем юл үткән. Күп йылдар Башҡортостанда Юл хәрәкәте хәүефһеҙлеге дәүләт инспекцияһын һәм йәмәғәт хәүефһеҙлеге милицияһын етәкләгән, кеше үлтереүселәрҙе, бурҙарҙы һәм башҡа хәүефле енәйәтселәрҙе эҙләгән. 2018 йылдың октябрендә Артур Фәрүәз улы тыуған республикаһына ҡайтып, барлыҡ көс структураларының эше өсөн яуаплы булған вице-премьер вазифаһында эшләй башланы. 2019 йылдың майында оҙайлы һәм ауыр сирҙән һуң донъя ҡуйҙы.

«Ваҡыт уҙа, фекерҙәшебеҙ һәм дуҫыбыҙ, Башҡортостан һәм Рәсәй патриоты Артур Әхмәтхановты һуңғы юлға оҙатҡан көндән йыл ярым самаһы ваҡыт үтеп китте. Яҙмыш ҡушыуы буйынса, бөтә ғүмерен Рәсәйгә хеҙмәт итеүгә арнаны, һуңғы йылдарҙа республикабыҙ хөкүмәтендә эшләне. Ҡыҙғанысҡа ҡаршы, мәкерле ауырыу уны беҙҙең сафтан тартып алды. Был – минең өсөн оло юғалтыу. Эргәлә ошондай көслө һәм ышаныслы кеше булғанда күп мәсьәләләр һөҙөмтәлерәк хәл ителде. Был – һәммәбеҙ өсөн дә һис кем менән алмаштыра алмаҫлыҡ юғалтыу. Һәйкәл асыу – уның хәрби хеҙмәтенә һәм тормош юлына, туғандарына һәм яҡындарына ихтирам күрһәтеү ул. Беҙ уларҙы бер ҡасан да онотмаҫбыҙ. Улар һәр саҡ беҙҙең менән булыр. Артур Фәрүәз улы, һеҙ һәр ваҡыт беҙҙең йөрәктә булырһығыҙ», — тине Башҡортостан Башлығы Радий Хәбиров һәйкәлде асыу тантанаһында.

Рәсәй милли гвардияһы ғәскәрҙәренең Волга буйы округы командующийы, генерал-полковник Александр Порядин әйтеүенсә, ул был көндә республикаға килмәй булдыра алмаған.

1 из 11

«Артур Фәрүәз улы милли гвардия ғәскәрҙәрендә абруйлы етәкселәрҙең береһе булды. Уның менән бергәләп Волга буйы федераль округы сиктәрендә яңы структура ойошторғайныҡ. Ул полицейскийҙар, ғәскәр подразделениелары һәм махсус тәғәйенләнештәне көстәр араһында ҙур абруй яуланы. Уның хеҙмәте бөйөк, тотош коллектив исеменән уның алдында баш эйәм. Артур Фәрүәз улы, беҙ һине онотмаҫбыҙ. Мәңгелек хәтер», — тип билдәләне Александр Порядин.

https://www.bashinform.ru/news/1507871-v-ufe-otkryli-pamyatnik-general-leytenantu-politsii-arturu-akhmetkhanovu/

#артур әхмәтханов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.