Радий Хәбиров «Башҡортостанда оҙон ғүмерлелек» проектының башланыуын иғлан итте

Олег Яровиков

Азат Ғиззәтуллин

Бөгөн, 1 октябрҙә, Оло йәштәгеләр көнөндә Башҡортостан Башлығы Радий Хәбиров Ауырғазы районында ветерандар менән осрашыуҙа «Башҡортостанда оҙон ғүмерлелек» проектының башланыуын иғлан итте. Ул республикала йәшәгән оло йәштәгеләрҙең һаулығын нығытыуға, социаль әүҙемлек осорон оҙайтыуға йүнәлтелә. Радий Хәбиров һүҙҙәренсә, унда бер нисә йүнәлеш була.

«Халыҡ диспансеризация үткән саҡта поликлиникаларҙа «көмөш сәғәт» индерәбеҙ. Ошо ваҡыт арауығы, шартлы итеп әйткәндә, ике-өс сәғәт, өлкән йәштәгеләргә генә диспансеризация үткәреү өсөн файҙаланыла. Был уларға уңайлы булыр. Шулай уҡ медицина учреждениеларында өлкән быуын кешеләре өсөн махсус һаулыҡ мәктәптәрен асабыҙ. Унда рациональ туҡланыу, сәләмәт йәшәү рәүеше буйынса курстар ойоштороу ҡарала. Медицина блогына райондарға сығып, комплекслы медицина тикшереүе ойошторған сәләмәтлек поездары ла инә», — тине Радий Хәбиров.

Программаның тағы бер йүнәлеше туризмға бәйле. Туризм буйынса дәүләт комитеты яғынан тыуған төйәгебеҙ буйлап сәйәхәт итергә, яңы ерҙәрҙе күрергә теләгәндәргә экскурсиялар өсөн субсидия бүлеү планлаштырыла. Был эшкә республиканың барлыҡ власть органдары һәм район-ҡала хакимиәттәре йәлеп ителә.

Пенсионерҙарға компьютерҙы үҙләштереү өсөн сертификат алыу мөмкинлеге лә бирелә. Шуның менән улар уҡыу өсөн кәрәкле ойошманы үҙҙәре һайлай ала.

Башҡортостанда пенсионерҙар өсөн спартакиаданы ла әүҙем үҫтереү ҡарала. Республика башлығы һүҙҙәренсә, ололар үҙҙәрен йәмғиәт өсөн файҙалы һәм кәрәкле итеп тойһон өсөн уларҙы артабан да ирекмәндәр хәрәкәтенә йәлеп итергә йыйыналар.

Бөгөн «Башҡортостанда оҙон ғүмерлелек» проекты буйынса Указға ҡул ҡуйырмын, был республика властарының Оло йәштәгеләр көнөнә үҙенә күрә бер бүләге булыр, тине Радий Хәбиров.

Указ менән шулай уҡ Башҡортостан Башлығының «Башҡортостанда оҙон ғүмерлелек» проектының саралар планы раҫлана, уны бойомға ашырыу буйынса ойоштороу комитеты булдырыла. Проектты ғәмәлгә ашырыуҙың координаторы – Ғаилә, хеҙмәт һәм халыҡты социаль яҡлау министрлығы.

https://www.bashinform.ru/news/1501563-radiy-khabirov-obyavil-o-zapuske-proekta-bashkirskoe-dolgoletie/

1 из 6

#оло йәштәгеләр көнө #башҡортостанда оҙон ғүмерлелек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.