Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Сәйәсәт
11 Июнь 2020, 13:43

Башҡортостандың Шишмә районында хакимиәт башлығы алмашынды

Башҡортостандың Шишмә районында хакимиәт башлығы алмашынды.
2005 йылдан муниципалитетҡа етәкселек иткән Флүр Уразмәтов урынын Рәсәй Ғәҙәттән тыш хәлдәр министрлығының Башҡортостан буйынса баш идаралығы дәүләт янғынға ҡаршы хеҙмәтенең 22-се янғын-ҡотҡарыу отряды начальнигы Ришат Мансуровҡа бирҙе.
Был хаҡта Башҡортостан башлығы Радий Хәбировтың Шишмә районы активы менән осрашыу йомғаҡтары буйынса билдәле булды.
Радий Хәбиров һүҙҙәренсә, кандидат сығышы менән Шишмә районынан, эшләү осоронда ул үҙен белемле етәксе итеп күрһәтте һәм хәҙер туплаған тәжрибәһен муниципалитет мәнфәғәте өсөн ҡуллана ала.
Республика башлығы Флүр Уразмәтовҡа күп йыллыҡ һәм намыҫлы хеҙмәте өсөн рәхмәт хаты тапшырҙы һәм уның тәжрибәһе артабан да Башҡортостандың дәүләт менән идара итеү структураһында кәрәк буласағын билдәләне.
«Район үҫешенең һуңғы 16 йылы Флүр Зиннур улы менән бәйле. Был осор бик ыңғай булды. Район иҡтисадының һәйбәт торошо өсөн рәхмәтлемен, барлыҡ ҙур предприятиеларҙа модернизация үткәрелгән. Социаль өлкә бик әүҙем үҫешкән. Шуға күрә ғорурланырлыҡ уңыштарығыҙ бар», — тине Радий Хәбиров.
Автор:Розалиә Вәлиева
Читайте нас: