Ҡоролтай пестицидтар ҡулланыуға яуапһыҙ ҡараған өсөн 100 мең һумға тиклем штраф һалырға тәҡдим итте

«Башинформ» мәғлүмәт агентлығы

Башҡортостан Дәүләт Йыйылышы – Ҡоролтай ашламалар һәм агрохимикаттар менән хәүефһеҙ эш итеү тураһында ике федераль закон проектын Дәүләт Думаһына тәҡдим итте, тип белдерҙеләр республика парламентының матбуғат хеҙмәтендә. Яландарҙа һәм урмандарҙа химик матдәләрҙе файҙаланған граждандарға һәм юридик берәмектәргә яҡындағы тораҡ пункттарҙа йәшәгән халыҡҡа ошо матдәләрҙе ҡулланырға йыйыныу хаҡында ваҡытында хәбәр итеү буйынса яуаплылыҡ йөкмәтелә.

Икенсе проект беренсеһен үтәмәгән өсөн административ яуаплылыҡ билдәләй: граждандарға штраф суммаһы 1-3 мең һум була. Шәхси эшҡыуарҙарға һәм юридик берәмектәргә штраф йәки 90 тәүлеккә тиклем эшмәкәрлекте административ туҡтатыу ҡарала. Эшҡыуарҙар өсөн штраф — 5-30 мең һум, компаниялар өсөн 20-100 мең һум булыуы ихтимал.

«Ваҡытында хәбәр итмәүҙең кире эҙемтәләренең иң сағыу миҫалдарының береһе — 2019 йылдың июлендә бал ҡорттарының ҡырылыуы. Рәсми мәғлүмәттәр буйынса, ул саҡта Рәсәйҙең 25 төбәгендә 80 меңгә яҡын бал ҡорто ғаиләһе һәләк булған, зыян ике миллиард һумдан ашыу тәшкил иткән. Умартасылар үҙҙәренә килгән зыянды тағы ла күберәк тип баһалай», — тип аңлатма бирҙе Дәүләт Йыйылышы рәйесе Константин Толкачев.

Былтыр сертификаты булмаған пестицидтар ҡулланыу арҡаһында бал ҡорттарының ҡырылыуына юл ҡуйған предприятиеға 34 мең һум штраф һалынды.

http://www.bashinform.ru/news/1424499-kurultay-predlozhil-shtraf-do-100-tys-rub-za-bezotvetstvennoe-primenenie-pestitsidov/

#пестицидтар #агрохимикаттар #бал ҡорттары #башҡортостан республикаһы дәүләт йыйылышы #штраф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.