94.09
-0.23
Башҡортостан һәм Өфө яңылыҡтары
100.53
+0.25
87.13
+0.02
18+ °C
Ясна
Бөтә яңылыҡтар
Сәйәсәт
16 Ғинуар 2020, 15:25
Башҡортостандың ҡайһы бер мәктәптәрендә 1 сентябрҙән башланғыс класс уҡыусыларын бушлай ашатыу башлана
Башҡортостан Башлығының матбуғат хеҙмәте
ӨФӨ, 2020 йыл, 16 ғинуар. /«Башинформ» мәғлүмәт агентлығы, Азат Ғиззәтуллин/. 2023 йылдың 1 сентябренән Башҡортостандың барлыҡ мәктәптәрендә 1-4 класс уҡыусылары бушлай сифатлы ҡайнар аш менән тәьмин ителә башлай, техник мөмкинлек булған урында — быйыл 1 сентябрҙән үк. Башҡортостан башлығы Радий Хәбиров Рәсәй президенты мөрәжәғәтнамәһе положениеларын бойомға ашырыуға арналған кәңәшмәлә Мәғариф министрлығына шундай йөкләмә бирҙе.
«Техник әҙерлек булған мәктәптәрҙә 2020 йылдың 1 сентябренән бушлай ҡайнар аш бирелергә тейеш. 2023 йылдың 1 сентябренән дә һуңға ҡалмайынса бөтә башланғыс класс уҡыусыларын бушлай сифатлы аш менән итергә кәрәк. Һеҙҙең менән был мәсьәләне бер нисә тапҡыр ҡараныҡ, уны хөкүмәттең социаль блогы менән тикшерҙек, ләкин беҙҙе бюджетыбыҙҙың көсөргәнешле булыуы тыйып торҙо», — тине республика етәксеһе.
Муниципалитет башлыҡтары был мәсьәләне контролдә тоторға, айырыуса аҙыҡ-түлектең сифатына иғтибар бирергә бурыслы, тип билдәләне Радий Хәбиров. Уның фекеренсә, мәктәптә сифатлы туҡланыу — балаларыбыҙ сәләмәтлегенең нигеҙе.
Башҡортостандың мәғариф министры Айбулат Хажин һүҙҙәренсә, хәҙерге көндә мәктәптә ҡайнар аш биреүҙе ойоштороу проблемаһы башлыса 20-30 бала уҡыған һәм аҙыҡ ситтән килтерелгән аҙ комплектлы мәктәптәрҙә күҙәтелә.
«Әлеге ваҡытта республика мәктәптәрендә 220 мең башланғыс класс уҡыусыһы белем ала. Фаразлауыбыҙса, 1 сентябргә уларҙың һаны 225 меңгә етергә тейеш», — тине Айбулат Хажин.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».