Шаршамбы, 21 Октябрь 2026

Өфө

+3 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Сәйәсәт

17:13 (UTC+5), 25 Октябрь 2019

Радий Хәбиров: Башҡортостан аграрийҙары – ысын хеҙмәт геройҙары

Олег Яровиков

ӨФӨ, 2019 йыл, 25 октябрь. /«Башинформ» мәғлүмәт агентлығы, Азат Ғиззәтуллин/. Бөгөн Башҡортостан аграрийҙары үҙҙәренең һөнәри байрамын билдәләй. Быйыл уңыш йыйыу һуңғы ун йылда иң ҡатмарлыһы булды, шуға ҡарамаҫтан, ауыл халҡы ауыр һауа шарттарын еңеп сыҡты. Башҡортостан Башлығы, Агросәнәғәт комплексы хеҙмәткәрҙәре көнөнә арналған тантаналы йыйылышта сығыш яһап, быйыл лайыҡлы уңыш – 3,3 миллион тоннанан ашыу иген йыйып алынған тип билдәләне, хәҙер шәкәр сөгөлдөрөн һәм май культураларын йыйыу дауам итә. Дөйөм уңышҡа иң ҙур өлөш индергән туғыҙ район иҫәбендә – Стәрлетамаҡ, Саҡмағош, Илеш, Ауырғазы, Мәләүез, Дәүләкән, Ҡырмыҫҡалы, Шишмә һәм Благовар райондары. Уларҙың һәр береһе 100 меңдән ашыу ашлыҡ һуғып алды.

Республика етәксеһе «Урожай» ауыл-хужалығы етештереү кооперативын, Башкирагроинвест, «Центральная» МТС-ын иң яҡшы агрохужалыҡ булыуын әйтте. Тағы бер мөһим йүнәлеш – малсылыҡ. Йыл башынан 240 мең тонна мал һәм ҡош ите, 1,3 миллион тонна һөт етештерелде.

«Беҙ дөйөм хаҡы 9 миллиард һумлыҡ 8 проектты тамамлайбыҙ. Киләһе йылға дөйөм хаҡы 23 миллиард һумлыҡ 9 проектты башлау күҙаллана. Шул иҫәптән Кушнаренко районында - «Башкирмолоко», Бәләбәй һәм Ауырғазы райондарында - «Северная Нива» һәм «Урожай». Был проекттар ғына һауын көтөүен 18 мең башҡа арттыра. Агросәнәғәт комплексында ошондай инвестиция әүҙемлеге мине бик шатландыра. Быйыл «Инвестиция сәғәт»тәрендә дөйөм суммаһы 85 миллиард һумлыҡ 44 проект хупланды», — тине Радий Хәбиров.

Уның һүҙҙәренсә, эшкәртеү сәнәғәтендә лә эшлекле әүҙемлек арта. Шишмә һәм Балтас райондарында һөт заводтары эшләй башланы. Францияның Savencia компанияһы Бәләбәйҙә йомшаҡ сыр етештереү заводы төҙөй. Мәләүез һөт-консерва комбинатында балалар өсөн ҡоро ҡатнашмалар сығарыу ҡарала.

«Үҙемдең «сентябрь» указымда ла ауылға ҙур иғтибар бүленә. Биш йыллыҡҡа план төҙөгәндә агросәнәғәт комплексына ҙур өмөттәр бағлайбыҙ. Бөтә эшсәндәргә яҡшы уңыштары, ергә яуаплы ҡарауҙары өсөн рәхмәт белдерәм. Һеҙ – ысын хеҙмәт геройҙары. Һаулыҡ, тыныслыҡ, уңыштар теләйем, ғаиләгеҙҙә һәр саҡ бәхет һәм муллыҡ булһын», — тине республика етәксеһе.

Башҡортостан Башлығы республиканың иң яҡшы райондарын юғары ҡаҙаныштары өсөн хөкүмәт дипломдары менән бүләкләне, ә иң яҡшы ун комбайнсы, механизатор һәм водитель уның ҡулынан яңы «Шевроле Нива» автомобиле асҡыстары алды. Тантаналы йыйылыш башланыр алдынан Радий Хәбиров эшкәртеүсе предприятиелар, ауыл хужалығы кооперативтары һәм шәхси ихаталар продукцияһы күргәҙмәһен ҡараны.

http://www.bashinform.ru/news/1371146-radiy-khabirov-agrarii-bashkirii-nastoyashchie-geroi-truda/

1 из 12

#башҡортостандың агросәнәғәт комплексы #ауыл эшсәндәре көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.