Дәүләт Думаһында октябрҙә Башҡортостан көндәре уҙа

ӨФӨ, 2019 йыл, 4 сентябрь. /«Башинформ» мәғлүмәт агентлығы, Азат Ғиззәтуллин/. Октябрҙә Рәсәй Дәүләт Думаһында Башҡортостан көндәре уҙғарыла. «Башинформ» агентлығына республика Дәүләт Йыйылышы рәйесе Константин Толкачев һөйләүенсә, Рәсәй парламентының түбәнге палатаһында Башҡортостан ҡаҙаныштары күргәҙмәһе ойошторола. Сараның форматы мартта Федерация Советында үткән Башҡортостан көндәренән айырыла.

«Парламенттың юғары палатаһы төбәктәргә яҡыныраҡ һәм шуға унда ошондай саралар ваҡытында Федерация Советы ағзалары алдында төбәк башлыҡтарының сығыш яһауы күҙ уңында тотола, Дәүләт Думаһы практикаһында бер ҡасан да бындайҙың булғаны юҡ. Башҡортостан көндәре барышында түбәнге палата комитеттарында ҡыҙыҡһынған депутаттар менән аралашыу һәм фекер алышыу булыр тип көтөлә. Программа төҙөлә, был сара республикабыҙға ла, Дәүләт Думаһы депутаттарына ла файҙалы һәм ҡыҙыҡлы булыр», — тип билдәләне Константин Толкачев.

Республика Дәүләт Йыйылышы Рәсәй Дәүләт Думаһы менән тығыҙ эш алып бара. Яҙғы сессияла Башҡортостан депутаттары Дәүләт Думаһына дүрт федераль закон проектын индерҙе. Әлеге ваҡытта Рәсәй парламентының түбәнге палатаһында 14 закон проекты ҡарала, тағы етәүһе – экспертизала. Республика Дәүләт Йыйылышы федераль закон статусын алған закон сығарыу башланғыстары һаны буйынса төбәк парламенттары араһында сираттағы тапҡыр беренсе урынға сыҡты.

http://www.bashinform.ru/news/1348845-v-gosdume-v-oktyabre-proydut-dni-bashkortostana/

#рәсәй федерацияһы дәүләт думаһы #башҡортостан республикаһы дәүләт йыйылышы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.