93.29
+0.04
Башҡортостан һәм Өфө яңылыҡтары
99.56
+0.2
88.17
-0.28
17+ °C
Ямғыр
Бөтә яңылыҡтар
Сәйәсәт
1 Август 2019, 12:46
Радий Хәбиров: Төп бурысыбыҙ – Башҡортостанда йәшәүселәрҙең ышанысын һәм өмөтөн аҡлау
ӨФӨ, 2019 йыл, 1 август. /«Башинформ» мәғлүмәт агентлығы, Азат Ғиззәтуллин/. «Берҙәм Рәсәй» партияһы ағзаларына кешеләр менән һөйләшергә өйрәнеү, улар менән аралашҡанда түҙемлек һәм һиҙгерлек күрһәтеү, иғтибарлы булыу зарур. «Берәй нимә вәғәҙә итһәгеҙ, уны үтәргә, бурысты кире ҡайтарырға кәрәк», — тине республика етәксеһе Радий Хәбиров кисә Өфөлә уҙған «Берҙәм Рәсәй»ҙең партия активы менән осрашыуҙа.
«Республикабыҙҙың төп байлығы — ошонда йәшәгән халыҡтар берҙәмлеге. Ә беҙҙең төп бурысыбыҙ —Башҡортостанда йәшәүселәрҙең ышанысын һәм өмөтөн аҡлау. Мин көн һайын шуның менән шөғөлләнәм һәм һеҙ ҙә республика алдында торған бурыстарҙың кимәлен аңларһығыҙ тип ышанам», — тине Радий Хәбиров.
Башҡортостан етәксеһе республика буйлап эш сәфәре барышында үҙенең төрлө хис-тойғолар кисереүе һәм һәр ваҡыт республикабыҙҙың көслө булыуына инаныуы хаҡында һөйләне.
Радий Хәбиров төбәк етәксеһенең эше оператив етәкселек итеүгә генә түгел, ә ниндәйҙер маҡсаттар ҡуйыуға һәм үҫеш стратегияһын билдәләүгә лә ҡайтып ҡала тип иҫәпләй.
«Ошо ҡыҫҡа ваҡыт эсендә маҡсаттар ҡуйырға, республиканы әүҙемләштерергә өлгөргәнмендер тип ышанам. Командабыҙ Башҡортостанға яңы һулыш өрөргә тейеш. Мәҫәлән, мин «Берҙәм Рәсәй»ҙең «Беҙ үҙебеҙҙекеләрҙе ташламайбыҙ» ваҡиғаһына әүҙем ҡушылыуын теләр инем. Беҙ уны артабан да дауам итербеҙ һәм ауыр тормош хәлендә ҡалған һәр кемгә ярҙам күрһәтербеҙ. Башҡортостанда бер-береңә ярҙам ҡулы һуҙыу бик көслө, ул быуаттар буйына формалашҡан», — тип билдәләне республика етәксеһе.
Радий Хәбиров ил етәкселегенең һәм федераль властарҙың республикаға ыңғай мөнәсәбәте хаҡында ла һөйләне.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».