Радий Хәбиров: Хәҙер Башҡортостан менән Ҡырымдың үҙ-ара килешеп эш итеүен бөтә йүнәлештәр буйынса көсәйтергә мөмкин

автор һәм glava.rk.gov.ru

IMPORT Сервисный

ӨФӨ, 2019 йыл, 19 апрель. /«Башинформ» мәғлүмәт агентлығы, Азат Ғиззәтуллин/. Башҡортостан Башлығы вазифаһын ваҡытлыса башҡарыусы Радий Хәбиров Ҡырым башлығы Сергей Аксеновҡа Сибай балаларының Евпатория балалар шифаханаһындағы ялы өсөн рәхмәт белдерҙе. Уның һүҙҙәренсә, балалар бик ҡәнәғәт, күңелдәре күтәрелеп ҡайтҡан.

«Сибай балаларын саҡырыуығыҙ һәм ялын ойоштороуығыҙ өсөн һеҙгә ҙур рәхмәт», — тине Радий Хәбиров.

Республика етәксеһе Ҡырымдың Башҡортостанға тапшырған Евпатория шифаханаһы буйынса бөтә тейешле ҡарарҙар ҡабул ителеүен билдәләне.

«Хәҙер беҙ проектлау стадияһында, шифахана Евпаторияның биҙәге булыр һәм балаларыбыҙға, республикала йәшәүселәргә Ҡырымда дауаланыу, ял итеү өсөн өҫтәмә мөмкинлек тыуыр тип ышанабыҙ», — тип билдәләне республика етәксеһе.

Төбәктәр араһында гуманитар-мәҙәни бәйләнештәрҙең үҫеше дауам итә, Ҡырымдың Белогорск районы менән республиканы йылы мөнәсәбәттәр бәйләй.

«Беҙ Ялта халыҡ-ара иҡтисади форумында ҡатнашырға саҡырыуығыҙҙы ҙур теләк менән ҡабул иттек, республиканың вәкиллекле делегацияһы килде. Хәҙер, барлыҡ сәйәси мәсьәләләр хәл ителгәс һәм иҡтисади үҫеш һыҙаттары билдәләнгәс, бөтә йүнәлештәр буйынса үҙ-ара килешеп эш итеүҙе көсәйтергә мөмкин», — тине Радий Хәбиров.

Ҡырым башлығы Сергей Аксенов үҙ сиратында ике төбәк араһындағы килешеүҙең эш документы булыуын, уның буйынса реаль эш алып барылыуын, квартал һайын йомғаҡ яһалыуын, туризм һәм ауыл хужалығы юҫығында ҙур инфраструктура проекттары әҙерләнеүен билдәләне.

«Беҙ төрлө йүнәлештәр буйынса методик ярҙам да алабыҙ, шул иҫәптән күп фатирлы йорттар менән идара итеү, ҡаты коммуналь ҡалдыҡтарҙы сығарыу, поликлиникаларҙа халыҡты хеҙмәтләндереү, Башҡортостандың башҡа иң яҡшы тәжрибәләре буйынса. Ярҙамығыҙ өсөн ҙур рәхмәт, артабан да ошо хеҙмәттәшлекте үҫтерербеҙ», — тине Сергей Аксенов.

http://www.bashinform.ru/news/1299999-radiy-khabirov-seychas-vzaimodeystvie-bashkirii-i-kryma-mozhno-usilit-po-vsem-napravleniyam/

1 из 5

#төбәк-ара хеҙмәттәшлек #ҡырым

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.