Радий Хәбиров Ҡырғыҙстандың иҡтисад министры менән осрашты

IMPORT Сервисный

ӨФӨ, 2019 йыл, 28 март. /«Башинформ» мәғлүмәт агентлығы, Галина Бахшиева/. Башҡортостан Башлығы вазифаһын ваҡытлыса башҡарыусы Радий Хәбиров Бишкәктә Ҡырғыҙ Республикаһының иҡтисад министры Олег Панкратов менән осрашты. Осрашыуҙа ике яҡлы бәйләнештәрҙе артабан үҫтереү мөмкинлектәре тикшерелде.

Радий Хәбиров Рәсәй делегацияһы составында VIII «Стратегик партнёрлыҡтың һәм интеграцияның яңы офоҡтары» Рәсәй-Ҡырғыҙстан төбәк-ара конференцияһы эшендә ҡатнаша. Олег Панкратов Башҡортостан етәксеһенең килеүе туғандаш халыҡтар араһындағы бәйләнештәрҙе нығытыу өсөн сираттағы аҙым булырына ышаныс белдерҙе.

«Беҙҙә мәҙәни-гуманитар, иҡтисади бәйләнештәр ныҡлы урынлаштырылған. Халыҡтарыбыҙ бер-береһенә бик яҡын, — тине Ҡырғыҙстандың иҡтисад министры. — Шуға күрә яңы кимәлгә сығыу өсөн бөтә шарттар бар тип уйлайым».

Радий Хәбиров билдәләүенсә, Башҡортостан менән Ҡырғыҙстан араһында тауар әйләнеше тигеҙ түгел.

Уҙған йыл йомғаҡтарына ярашлы, ул 51 миллион доллар кимәлендә булған. Уның төп өлөшө республиканан сығарылған экспорт тауарҙарына тура килгән. Экпорттың нигеҙен — нефть химияһы һәм химия продукцияһы, ә импортты башлыса электр лампалары тәшкил иткән.

Радий Хәбиров әйтеүенсә, Башҡортостан Ҡырғыҙстандан йәшелсә-емеш алыу менән ҡыҙыҡһына һәм ошо йүнәлеште тикшерергә әҙер.

Уның һүҙҙәренсә, башҡорт һәм ҡырғыҙ халҡын мәҙәни-гуманитар мөнәсәбәттәр бәйләй. 2017 йылдан Өфө һәм Бишкәк туғандаш ҡалалар булып тора, бында ла ҙур ҡеүәт бар.

«Дуҫлығыбыҙҙың яңы битен асырға кәрәк, — тип йомғаҡ яһаны Радий Хәбиров. — Бөгөн беҙ хеҙмәттәшлек тураһында хөкүмәт-ара килешеүгә ҡул ҡуйырбыҙ. Ул беҙҙең мөнәсәбәттәргә яңы этәргес бирер тип ышанам».

Республика етәксеһе Ҡырғыҙстандың эшлекле берекмәһе делегацияһын июндә Башҡортостанға «Урал аръяғы-2019» Бөтә Рәсәй инвестиция һабантуйына ла саҡырҙы.

http://www.bashinform.ru/news/1290388-radiy-khabirov-vstretilsya-s-ministrom-ekonomiki-kirgizii/

#радий хәбиров #олег панкратов #ҡырғыҙстан

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.