«Башинформ» агентлығына Дүртөйлө районы хакимиәтенән хәбәр итеүҙәренсә, Риф Йосопов район хакимиәте башлығы вазифаһын ваҡытлыса башҡарыусы итеп тәғәйенләнгән. 2003-2017 йылдарҙа ул Башҡортостандың Саҡмағош районы хакимиәте башлығы булып эшләгән.
Риф Йосопов 1964 йылдың 4 авгусында республиканың Саҡмағош районында тыуған. Башҡортостан ауыл хужалығы институтын тамамлаған. Ауыл хужалығы фәндәре докторы, ғилми хеҙмәттәре, монографиялары бар.