Башҡортостан һәм Өфө яңылыҡтары
71.58
+0.68
76.83
+0.93
84.92
-0.17
-9 °C
Болотло
Бөтә яңылыҡтар
Сәйәсәт
7 Февраль 2019, 13:19

Ишембай районын Азамат Абдрахманов етәкләй

ӨФӨ, 2019 йыл, 7 февраль. /«Башинформ» мәғлүмәт агентлығы. Азат Ғиззәтуллин/. Башҡортостан Дәүләт Йыйылышы секретариаты етәксеһенең хоҡуҡ мәсьәләләре буйынса урынбаҫары Азамат Абдрахманов Ишембай районы хакимиәтен етәкләй. Әлеге башлыҡ Марс Ғайсин отпускыла, уның вазифаһын ваҡытлыса ошо көндәрҙә Ишембай районы хакимиәте башлығының беренсе урынбаҫары итеп тәғәйенләнгән Азамат Абдрахманов башҡара. 15 февралдә район советы ултырышы көтөлә, унда депутаттар Ғайсиндың отставкаһын ҡабул итергә һәм муниципалитет башлығы вазифаһын ваҡытлыса башҡарыуҙы Азамат Абдрахмановҡа йөкмәтергә тейеш.
Азамат Фәрит улы Абдрахманов 1979 йылдың 26 июнендә Ишембай районының Ҡолғона ауылында тыуған. Юғары белемле — 2002 йылда Башҡорт дәүләт университетының юридик факультетын тамамлай. Хеҙмәт эшмәкәрлеген 2004 йылда республиканың Ғаиләгә, балаларға һәм йәштәргә социаль-психологик ярҙам күрһәтеү үҙәге директоры булып башлай. 2004-2006 йылдарҙа — Башҡортостандың Йәштәр сәйәсәте буйынса дәүләт комитетында әйҙәүсе белгес, Башҡорт дәүләт университетының дәүләт һәм хоҡуҡ теорияһы кафедраһы ассистенты. 2006-2011 йылдарҙа Башҡортостан президенты хакимиәтенең дәүләт граждандар хеҙмәте һәм кадрҙар сәйәсәте идаралығында төрлө вазифалар биләй.
2011 йылдан — Башҡортостан Дәүләт Йыйылышы секретариаты етәксеһенең хоҡуҡ мәсьәләләре буйынса урынбаҫары. Юридик фәндәр кандидаты.
Читайте нас в